123v - - - - - [continued]
Vostre luth estant sec, mectés de bon matin vostre crusol dans
le four à vent, & au commancement donnés foeu lent, tant pour
recuire vostre crusol que pour laisser doulcement passer la
furie du salpestre. Puys vigores peu à peu & avecq
jugement le foeu. Et y laisses en la plaine vigueur
d’iceluy vos matieres 12 heures ou un jour naturel.
Faictes à chasque foys bonne quantité de ceste matiere
pour n’y tourner pas souvent, à cause que les fumées
qui sont dangereuses te pourroient nuire. Et plus tost
qu’y travailler, prens au matin une bonne rostie au
beurre, et tiens dudict beurre ou de la zedoaire ou
des pieces d’or dans la bouche, et ada bande toy le
visage d’une serviette despuys les yeulx en bas. De
ceste masse, la crouste te servira pour faire courre esclarcir
les grands ouvrages d l’argent de la masse metallique comme serpents & semblables au commancement qu’il sera fondu.
Mays Et puys le grain qui sera au fond du crusol se doibt
reserver pour les fleurs et les herbes delicates principallement en mectre un peu dans largent fondu quand tu le
vouldras gecter,
Toutesfois fault il tousjours mectre un peu de ce grain
dans l’argent quand tu veulx gecter il est bien fondu et
que tu es prest de gecter Ainsy que tu fais de l’estaim
fin sur le cuivre & de l’estaim de glace sur le plomb et
estaim. Et comme l’estaim de glace aigrist trop le plomb et
l’estaim si tu le mets en trop grande quantité, aussy ce grain
composé des materiaulx susdicts aigriroit trop ton argent
sil tu en mectois trop, et l’obscurciroit. Ceste composition susdicte t’est suffisante
pour longtemps, quand elle ha esté tout un jour au foeu
doulx doulx au commancement & vigoré de degré en degré jusques
à la fin. Lors ayant faict une charge de charbon, laisse
le consumer de soy mesme & refroidir ton crusol. Aprés
rompes le. Vous trouveres deulx plastes & tourtelles dures
dans le crusol. La superieure est comme lapidée, Estant composée
des sels sublimés & meslés ensemble. Celle du fonds est
metallique, composée de limailles, aes ustum & antimoyne, ayant
le grain fort menu. Pulverise la tourtelle superieure, faicte
de sels, & en mects pour esclarcir & nettoyer l’argent, et le
grain metallic te servira pour mectre dans le metal fondu.
at left top margin
Foeu de charbon.
at left middle margin
Ou bien aprés
que tu as faict
piler tes drogues
par quelque rustique.
Et les ayant
disposées dans ton
crusol, & iceluy
luthé & sec comme dict
& disposé dans le
fourneau, fais
conduire le foeu
par quelque garson
de boutique acoustumé
au charbon.
at left middle margin
On vend bien aulx
orfevres ceste masse
metallique pour
attandrir leur
souldure, à cause
qu’en fondant le
letton s’exale. Et
avecq un peu de
ceste matiere, ilz
souldent sur l’aultre
souldure.