123v - - - - - [continued]
Vostre luth estant sec mectes de bon matin vostre crusol dans
le four a vent & au commancement donnes foeu lent tant pour
recuire vostre crusol Que pour laisser doulcement passer la
furie du salpestre Puys vigores peu a peu & avecq
jugement le foeu Et y laisses en la plaine vigueur
diceluy vos matieres 12 heures ou un jour naturel
Faictes a chasque foys bonne quantite de ceste matiere
pour ny tourner pas souvent a cause que les fumees
qui sont dangereuses te pourroient nuire Et plustost
qui travailler prens au matin une bonne rostie au
beurre Et tiens dudict beurre ou de la zedoaire ou
des pieces dor dans la bouche Et ada bande toy le
visage dune serviette despuys les yeulx en bas De
ceste masse la crouste te servira pour faire courre esclarcir
les grands ouvrages d largent de la masse metallique comme serpents & semblables au commancement quil sera fondu
Mays Et puys le grain qui sera au fond du crusol se doibt
reserver pour les fleurs et les herbes delicates principallement en mectre un peu dans largent fondu quand tu le
vouldras gecter
Toutesfois fault il tousjours mectre un peu de ce grain
dans l’argent quand tu veulx gecter il est bien fondu et
que tu es prest de gecter Ainsy que tu fais de lestaim
fin sur le cuivre & de lestaim de glace sur le plomb et
estaim Et comme lestaim de glace aigrist trop le plomb et
lestaim si tu le mets en trop grande quantite Aussy ce grain
compose des materiaulx susdicts aigriroit trop ton argent
sil tu en mectois trop et lobscurciroit Ceste composition susdicte test suffisante
pour long temps Quand elle ha este tout un jour au foeu
doulx doulx au commancement & vigore de degre en degre jusques
a la fin Lors ayant faict une charge de charbon laisse
le consumer de soymesme & refroidir ton crusol Apres
rompes le Vous trouveres deulx plastes & tourtelles dures
dans le crusol La superieure est comme lapidee Estant composee
des sels sublimes & mesles ensemble Celle du fonds est
metallique compose de limailles aes ustum & antimoyne ayant
le grain fort menu Pulverise la tourtelle superieure faicte
de sels & en mects pour esclarcir & nettoyer largent Et le
grain metallic te servira pour mectre dans le metal fondu
at left top margin
foeu de charbon
at left middle margin
Ou bien apres
que tu as faict
piler tes drogues
par quelque rustique
Et les ayant
disposes dans ton
crusol & iceluy
luthe & sec comme dict
& dispose dans le
fourneau fais
conduire le foeu
par quelque garson
de boutique acoustume
au charbon
at left middle margin
On vend bien aulx
orfevres ceste masse
metallique pour
attandrir leur
souldure a cause
quen fondant le
letton sexale Et
avecq un peu de
ceste matiere ilz
souldent sur laultre
souldure