Making and Knowing
A minimal edition of BnF Ms Fr 640

[TOC] | [translation]

- - - - - folio image: 123r - - - - -

Moyen di far correr lotnegra

Prens arsenic blanc deulx unces 2
Orpiment ou bien arsenic jaulne deulx unces 2
Aes ustum deulx unces 2
Limaille de cuivre fin mediocrement subtille 2
Antimoyne 2
Sal gemme 2
Tartre crud 2
Suin de verre 2
Salpestre la moictie scavoir 1
Sel gros commun fondu la moictie 1
Sublime la moitie 1
Borras la moictie 1
Sel armoniac aultant que de borras scavoir 1

Prens. de ces materiaulx des meilleurs que tu pourras trouver Poises
les comme cy dessus est dict et les piles separement Vous tenant
le visaige bande sur le nes & la bouche despuys les yeulx en
bas pour eviter lexalation de larsenic sublime et orpiment
Mesles les bien tous ensemble Puys les mectes dans un bon
crusol qui soict si grand que les matieres y puissent avoir
de vuyde la quarte ou cinquiesme partye Couvres le crusol
dun bon tuyle adapte en rond justement sur son ouverture Et
layant lie de hault en bas et par les costes de fil de fer
asses fort Lutes le avecq de la terre fiens ou terre bourre
de laquelle les fondeurs dartiglerie se servent
Et en cela
soyes curieux & diligent & noublies pas di mesler du verre pile
parmy le luth pour fortifier vostre crusol De maniere
quil ne prene point de vent car la matiere ne vauldroit
gueres A cause que les 4 cinq derniers ingredients sexhaleroient

at right top margin

Note quil te fault
bien luter ton creuset
affin que les matieres
ne prenent vent car
elles sexalleroient

at right middle margin

Lute bien ton crusol
affin quil ne se rompe
Car sil se rompt les
materiaulx sevaporent
et la fumee en est
dangereuse
si en 12
heures il nest fondu
& mesle il ne se fera
point bien

at left middle margin

Les orfevres
qui ont cognoi
ssance de ceste
matiere vendent
le denier dicelle
cinq sols aulx
aultres orfevres
& mesmement
a ceulx qui
travaillent de
vaissele & grosserie

Car a la fin de
leurs ouvraiges
ilz peuvent soulder
sur la premiere
souldure par le
moyen de
ceste mixture
En general
touts
ceulx qui veulent
mouler & gecter
quelque chose
subtille Ceste
matiere ne doibt
pas estre divulguee
affin quil nen soit
point abuse

at left bottom margin


Le grain est comme
de lacier rompu

[continued]