[TOC] | [translation]

Nettoyer l’escuelle et la cueillere
de quoy on destrempe le sable

Sois curieulx de nettoyer, freschement & soubdain que
tu as gecté, ton escuelle & ta pallette ou cuillere avecq
lesquels tu destrempes ton sable, pource quile, s’il s’y desseche,
il s’esmie & tombe dans le sable frais & faict faire
trou ou faulte en l’ouvrage. Quand aussy le moule se
recuit, ces petits lopins s’escroutent & escaillent & gardent
de gecter net.

Mouler en creux

La cire tout seule est trop tost froidye & ne court pas
bien partout, & le suif garde bien sa chaleur & court
partout, mays tout seul il n’est pas bon. Mays quand
la cire & le suif sont meslés, l’ouvrage s’en conduit bien.
Les escrevisses & autres animaulx petits se peulvent bien
mouler creux quand au corps, mays quand aulx jambes
il seroit malaisé.

at left middle margin

La premiere partye du moule
qui est premierement gectée sur la
platine d’ardille se fent plus volontiers
au foeu que la
seconde.

Mouler medailles et choses
plattes

Tu n’es point astrainct de faire le gect à pattes ainsy:

Figure ains en ceste sorte: Figure qu’il enbrasse bien la medaille.
Car l’aultre fasson en patte ne se fait que pour
s’acommoder aulx ouvrages subtils et l’aultre qui est large et uny vient mieulx
en medailles plattes. Mays advise qu’il faut que tout
gect soit fort delié vers la medaille & quasi pas si espés
que la medaille, si elle n’est fort tanvre comme papier. Et puys,
de la medaille tirant au gect, le conduire tousjours en
s’espessissant, car il vient mieulx ainsy. Si le gect est espés
à l’entrée de la medaille, l’ouvrage ne vient jamays bien. Fais
que desp despuys la moictié du gect en haut il soict moyennement
espés & despuys la mesme moictié en bas fort tanvre. N’oublie
pas de faire des coches au hau dans le hault du gect
pour empescher que le metal ne coure de furie.