Making and Knowing
A minimal edition of BnF Ms Fr 640

[TOC] | [translation]

- - - - - folio image: 122v - - - - -

Nettoyer lescuelle et la cueillere
dequoy on destrempe le sable

Sois curieulx de nettoyer freschement & soubdain que
tu as gecte ton escuelle & ta pallette ou cuillere avecq
lesquels tu destrempes ton sable pourcequilesil sy desseche
il sesmie & tombe dans le sable frais & faict faire
trou ou faulte en louvrage Quand aussy le moule se
recuit ces petits lopins sescroutent & escaillent & gardent
de gecter net

Mouler en creux

La cire tout seule est trop tost froidye & ne court pas
bien par tout & le suif garde bien sa chaleur & court
par tout Mays tout seul il nest pas bon. Mays quand
la cire & le suif sont mesles louvrage sen conduit bien
Les escrevisses & autres animaulx petits se peulvent bien
mouler creux quand au corps Mays quand aulx jambes
il seroit malaise

at left middle margin

La premiere partye du moule
qui est premierement gectee sur la
platine dardille se fent plus volontiers
au foeu que la
seconde

Mouler medailles et choses
plattes

Tu nes point astrainct de faire le gect a pattes ainsy

Figure Figure Ains en ceste sorte Figure Figure quil enbrasse bien la medaille
Car laultre fasson en patte ne se fait que pour
sacommoder aulx ouvrages subtils Et laultre qui est large et uny vient mieulx
en medailles plattes Mays advise quil faut que tout
gect soit fort delie vers la medaille & quasi pas si espes
que la medaille si elle nest fort tanvre comme papier Et puys
de la medaille tirant au gect le conduire tousjours en
sespessissant Car il vient mieulx ainsy Si le gect est espes
a lentree de la medaille louvrage ne vient jamays bien Fais
que desp despuys la moictie du gect en haut il soict moyennement
espes & despuys la mesme moictie en bas fort tanvre Noublie
pas de faire des coches au hau dans le hault du gect
pour empescher que le metal ne coure de furie