122r - - - - - Plant des animaulx divers
Quand tu descouvres quelques lesardes entortillés se mordant
l’un l’aultre & qui est la plus difficile chose a mouler à cause
du nombre des pates & bout de queues qui sont subtilles,
Il advise que s’il s’en trou descouvre quelque partye qui
demeure comme suspendue sur quelque vuide de l’asseurer affin
que le second gect que tu feras dessus pour la seconde
moictié ne le fasse varier. Et pour l’asseurer sur le vuide
prens un peu de cire & le frotte & alonge sur une table en forme
d’une grosse aiguille puys couppes en ce qui te fera besoing &
avecq un fil de fer chault par le bout conjoincts le ou il sera
necessaire. Asseure aussy sur le chassis moule tout ce qui sera deffaict
d’iceluy (lors que tu descouvre la moictié du ventre) avecq de la
cire prinse legerement avecq la poincte d’un trancheplume & joincte
& fondue par le fil de fer. Et quand tu feras ton gect il ne
le fault mener qu’à l’endroict & au bord de la cire laquelle
estant joincte à l’animal & se fondant continue le gect jusques à
iceluy sans rien gaster, qui est un secret
Figure
On acommode des serpents liés ensemble en las d’amour
mays c’est quand ils sont petits
Fleur en la bouche du serpent
Si tu veulx mectre dans la gueule du serpent quelque fleur
q ou quelque branche d’herbe qui porte contrepoison contre sa
morsure, prens une petite branche des mieulx disposées que tu
trouveras & poses luy la queue dans la gueule. Puys mets deulx
petits morceaulx de cire aultour de la queue de l’herbe. Et avecq le
bout d’un fil de fer qui soict chault fais fondre un peu la cire
& de l’aultre main sarre les machoueres de l’animal. Et lors
tu peulx coupper la teste pour la faire brusler avecq la fleur.
Si l’herbe s est assez forte elle se soubstiendra d’elle mesmes,
et encores qu’elle soit foible comme la foeuille d’absinthe qui se laisse
aller l’humidité du sable la fera relever & nager & soubstenir
sans y rien mectre combien que tu y @ pourrois bien passer
dessoubs quelque filet traversant avecq une esguille.
Figure at left top margin
Figure at left middle margin