121v - - - - - Pour gecter en argent
Il te fault disposer tes animaulx comme dict est et composer
le mesme sable de deulx pars d 4 pars de plastre de
deulx pars de brique recuicte & dune part dalum de plume recuit
Et le mesle bien Puys estant ainsy prest Et que
tu vouldras mouler Prens les trois pars dune escuelle
de terre ou les paysans mangent leurs souppes Et de
ce sable susdict & y adjouste de lalum de plume pur recuit & pulverise
dans le mortier aultant que tu en pourras prendre avecq
les 4 doigts et le poulse ou une petite joinctee puys mesle
mesle bien & destrempe avecq un peu de sel armoniac & le
reste deau commune + @ & remue avec ta pallete que le tout
soict comme une saulce espesse ou moustarde claire & ayant
frotte avecq le pinceau deau de vye lanimal gecte & soufle
et bas la table pour croller le molle & fais comme des aultres
Noublie point dy mectre du crocum car il garde les moules de
fendre & si est propre
pour touts metaulx @
at left top margin
Largent allie est meilleur
pour gecter que le fin
pourveu quil soit
doulx
at left top margin
Il fault que
lalum de plume
soict bien pulverise
et bien mesle
at left top margin
Le sel armoniac
est amy de lor
& de largent
at left middle margin
quil fault plustost
mectre dans lescuelle
que le sable qui
se mect dans leau
& non pas leau dans le sable
at left middle margin
Le letton est ennemy de lor
& amy de largent
Argent a gecter
Ce nest poinct argent fin ains allie & qui ne vient pas
parfaitement blanc de foeu pourceque ilz le mectent au
blanchiment apres la fusion pour le nettoyer aussy de la souldure
ou de ce quand il fault attacher quelque patte animal lun contre
laultre ou reparer Cest communement argent de teston Et tout argent
allie pourveu quil soict douls est bon
Plustost que te disposer a gecter en argent il fault que tu ayes de la
terre dequoy qui tienne au foeu comme ceste terre areneuse de qu
meslee de bourre dequoy les fondeurs se servent pour gecter
leurs canons Ou aultre bon luth qui soubstiene le foeu
pour entourner tes moules & les fortifier Car il fault
quilz soient tous rouges Il les fault aussy lyer de fil de fer
Que plustost que gecter lar recuire tes moules tu ayes
la mixtion quil fault pour faire courre largent
Si les orfevres scavoient scavoient la matiere pour faire largent @
faire courre leurs ouvrages ilz lachepteroient
beaucoup Aulcuns lacheptent cinq sols le denier
at left middle margin
Jay employe
de largent de
Capitale @
at left bottom margin
Plustost que
lier luter &
fortifier tes moules pour or &
argent avecq la
susdicte terre
il fault que le
gect soict faict &
les souspirails
& que les moules
ayent este recuits
de bien rouges pour
brusler les
animaulx fleurs
et herbes qui sont dedans
& les bien nettoyer des
cendres Estant bien
nets & praepares Lutes
les & lies de fil de fer
et les recuises derechef
jusques a ce quil soient
bien rouges