[TOC] | [translation]

[continued]

Signe quil ha quelque humidite & si la fleur avoict aussy quelque
aquosite elle se pourriroit Il ne fault aussy quil soict trop
grossiers car de sa pesanteur il chargeroit la fleur & luy feroit
perdre sa forme Layant doncq ainsy comme il est besoing choisy
Ayes une boicte dans laquelle fais premierement un monceau
dudict sable sur lequel tu poseras la queue de ta fleur en telle
sort couchee en telle sorte que la fleur ne touche ne le fonds
ne les costes de la boicte ains demeure en lair Alors charge
dadvantage sur du sable sur la queue affin quelle demeure
ferme & asseuree En fin prens du mesme sable & avecq les deulx
doibs pulverise & jecte le subtillement sur la fleur e imitant en
cela le descoulement dun horologe de sable Et comme la fleur sera
comme a demy couverte frappe du poin sur la table ou la boicte
est posee affin que le sable saplombe & entre par tout En fin
couvre la du tout Et y pose ainsy par ordre dautres fleurs
lune sur laultre tant que ta boicte en pourra contenir Cela
estant ainsy dispose expose plusieurs jours au soleil chault
Et comme la fleur se deseichera le sable qui lacompaigne & la
serre toujours ne permet quen se retirant elle se fletrisse &
se reserre Ains il fault quelle seiche au mesme estat que
tu luy as mise Or advise de choisir pour cet effect les
boufains soulcis Les fleurs jaulnes des pres appeles
ranunculus ou palta lupina Lamaranthe & semblables le
genest Et aultres que ton experience tenseignera

at left top margin

Le sable de quoy
les orfevres usent
les esmaulx ou le
blanc dont usent
les verriers & tout
sable maigre qui
ne faict point
de prise passe le
par un tamis
de poil de cheval
car il ne fault
pas quil soict tant
deslie Apres
seiche le bien
au soleil pour
luy oster toute
lhumidite par
plusieurs jours
et le vente comme
du bled affin
que la poulsiere
sen aille a part
Estant pris
de ceste poulsiere
& bien sec uses en
comme tu scais

at left middle margin

Les pensees se
gardent ainsy

Pour garder les fruits
tout lan

Il les faut cueillir en temps serain & s bien sec & par
la queue sans en toucher le fruict de la main Et le mettre
dans des bouteilles de verre qui ayent la gueule large
comme longues boictes de verre pour mettre des confictures
Armes les de paille ou aultre chose quelles ne se puissent
rompre Et les seller bien de cire quelles ne puissent respirer
Et si elles avoient un couvercle de verre bien selle de cire
elles nen seroient que meilleures Mects dans une quaisse
dans le puys Ou dans la cave dans une poue ou ung coin
de terre plein deau

at left bottom margin

car la ou la
main touchera
il pourrira
et mesmes est il
bon de ne les
alener poinct
tu y peulx
aussy mectre
des foeuilles de
vigne