120r - - - - - Medailles d’estampe par la cire
Tu peulx mouler en cire, meslée d’un peu de rousine pour estre plus
dure & ferme, le relief de ce qu’il te plaira, ou animal ou medaille,
& puys en faire un cave de letton ou cuivre. Ou bien le frapper le mouler
de relief et le frapper dans une plaste d’estain, Et pu et puys le remplir
de plomb & braser. Essaye les lames de foeilles de pierrerie
moulé en cave pour lesards &.
Sable pour gecter en or
Prens du sable commun, d’alum, de plastre & brique, selon la
composition cy devant dicte. Adjoustes y de l’alum de plume
dadvantaige. Et y mesles aussy non pas du tout la tierce
partie de crocum ferri. Toutesfois sa quantité ne peult
pas nuire, car c’est celuy qui reçoit l’or & avecq lequel il vient
bien net. Mays il est bon que ton crocum soict esté premierement en
la fornaise des verriers trois ou 4 jours et trois jours
et trois nuicts, en une casse platte, là où il ne soict guere espés, car
il s’en recuit mieulx.
at left top margin
Tu pourrois bien gecter l’or en sable commun des orfevres, mays que tu y bouttes
de la matiere qui faict courre.
Devant l’invention du crocum on
gectoit bien les fleurs en argent mays non point en or. Il n’y ha pas quarante ans qu’on
le sçait en Allemaigne.
at left middle margin
Le sublime
est communement
employé par
les orfevres pour
l’or. Aulcuns
y mectent du
soufre, mays
les uns & les
aultres se trompent,
car le soufre
aigrist, bien qu’il
eschaufe. Et le
sublime tourmente,
bouillonne
& soufle. Il
est bien bon pour
netoyer l’or,
pource que par
son exalations
il attire hors
de tout en s’en
allant en fumée.
Mays pour
eschaufer l’or
& conserver sa
chaleur, il n’y a
que la couleur,
qui est le verdet,
sel armoniac,
salpestre &
bourras. Cela
le faict courre,
& y pourras
gecter une branche
de Santonique.
IlRossignol
Il fault que sa cage, faicte comme celle des alouetes en grange
& doublé de drapt vert, soict faicte en tirete par dessoubs pour
luy rafreschir la terre fresche tous les jours, car il s’en delecte
fort, & y mesler des fourmis. Tu pourras porter une
formillere avecq sa terre dans une barrique pleine de terre,
& les entretenir là, & elles y feront bien leurs œufs, pour en
avoyr tousjours à propos quand tu voudras, si tu prends
plaisir à nourrir des rossignols. Quand tu l’as prins, il est gras
& plain, & par ainsy, pour l’entretenir en sa force, il fault pour le
premier jour luye prendre en la main & luy ouvrir le bec, & luy
mectre dans le bec avecq ung petit baston poinctu du coeur de mouton
ou aultre chair delicate, non pas hachée trop menu, affin de luy emplir
le ventre & garder qu’il ne se diminue & amaigrisse jusques à ce
qu’il aye passé sa fantasie. Le lendemain tu luy donneras Et
le paistras ainsy trois ou quattre fois le jour, & le feras aussy
boire. Le lendemain matin, tu luy donneras en sa cage de la chair
bien hachée avecq du jaulne d’oeuf dur, et luy changeras deulx
ou trois fois le jour, car il n’en mangeroit pas si elle estoit endurcie
& si elle n’estoit fresche. Et s’il passe la moictié du jour sans manger,
il fault que tu l’apaste comme devant, & fais ainsy jusques à ce qu’il
[continued]