120r - - - - - Medailles destampe par la cire
Tu peulx mouler en cire meslee dun peu de rousine pour estre plus
dure & ferme le relief de ce quil te plaira ou animal ou medaille
& puys en faire un cave de letton ou cuivre Ou bien le frapper le mouler
de relief et le frapper dans une plaste destain Et pu Et puys le remplir
de plomb & braser Essaye les lames de foeilles de pierrerie
moulé en cave pour lesards &.
Sable pour gecter en or
Prens du sable commun dalum de plastre & brique selon la
composition cy devant dicte Adjoustes y de lalum de plume
dadvantaige Et y mesles aussy non pas du tout la tierce
partie de crocum ferri Toutesfois sa quantite ne peult
pas nuire Car cest celuy qui recoit lor & avecq lequel il vient
bien net Mays il est bon que ton crocum soict este premierement en
la fornaise des verriers trois ou 4 jours et trois iours
et trois nuicts en une casse platte la ou il ne soict guere espes car
il sen recuit mieulx
at left top margin
Tu pourrois bien gecter lor en sable commun des orfevres Mays que tu y bouttes
de la matiere qui faict courre
Devant linvention du crocum on
gectoit bien les fleurs en argent mays non point en or Il ny ha pas quarante ans quon
le scait en allemaigne
at left middle margin
Le sublime
est communement
employe par
les orfevres pour
lor Aulcuns
y mectent du
soufre Mays
les uns & les
aultres se trompent
Car le soufre
aigrist bien quil
eschaufe Et le
sublime tourmente
bouillonne
& soufle Il
est bien bon pour
netoyer lor
pource que par
son exalations
il attire hors
de tout en sen
allant en fumee
Mays pour
eschaufer lor
& conserver sa
chaleur il ny a
que la couleur
qui est le verdet
sel armoniac
salpestre &
bourras Cela
le faict courre
& y pourras
gecter une branche
de Santonique
IlRossignol
Il fault que sa cage faicte comme celle des alouetes en grange
& double de drapt vert soict faicte en tirete par dessoubs pour
luy rafreschir la terre fresche tous les jours car il sen delecte
fort & y mesler des fourmis Tu pourras porter une
formillere avecq sa terre dans une barrique pleine de terre
& les entretenir la & elles y feront bien leurs œufs pour en
avoyr tousjours a propos quand tu voudras Si tu prends
plaisir a nourrir des rossignols Quand tu las prins il est gras
& plain & par ainsy pour lentretenir en sa force il fault pour le
premier jour luye prendre en la main & luy ouvrir le bec & luy
mectre dans le bec avecq ung petit baston poinctu du coeur de mouton
ou aultre chair delicate non pas hachee trop menu affin de luy emplir
le ventre & garder quil ne se diminue & amaigrisse jusques a ce
quil aye passe sa fantasie Le lendemain tu luy donneras Et
le paistras ainsy trois ou quattre fois le jour & le feras aussy
boire Le lendemain matin tu luy donneras en sa cage de la chair
bien hachee avecq du jaulne doeuf dur Et luy changeras deulx
ou trois fois le jour car il nen mangeroit pas si elle estoit endurcie
& si elle nestoit fresche Et sil passe la moictie du jour sans manger
il fault que tu lapaste comme devant & fais ainsy jusques a ce quil
[continued]