119r - - - - - [continued]
Comme jay veu quilz ne fumoient plus & que grattant le revers &
lendroict du gect & trouvant quilz estoient aussy aspres & fermes & durs
dun coste que daultre qui est un bon signe destre bien secs Je les
ay mis froidir Jay prins de lestain fin f une lb & une once de
plomb fin & noeuf Je lay fondu dans un crusol jusques a ce que il
estoit un peu comme un peu rouge Estant ainsy bien chault jay fume &
non p & estant prest a gecter & non plustost jay fume avecq la fumee
dune chandelle de suif tous les costes de mes chassis & empraincts
& gect & tout Jay dispose mon chassis bien joinct dans la presse
Jay tire mon creusol du feu je lui ay un peu laisser passer amortir
la rougeur du fonds du crusol Et voulant gecter jay gecte dedans
deulx ou trois grains comme poix de rousine & quand & quand la grosseur
dune febve destain de glace & ay brouille & remue un peu le crusol
et ay gecte Et la medaille est venue aussy nette que le principal
Je lay fumee a la chandelle & avecq des sayes lay nettoyee
at left middle margin
Gecte tousjours
par le pied de la
medaille car
la teste qui
est en bas
en viendra mieulx &
fais le gect
longuet Et
quand tu
gecteras en
un grand
chassis
plusieurs
medailles
Elles
viendront
mieulx
Advertissement sur ce que dessus
Le bon estain est celuy qui est dur comme argent & doulx neantmoings
Si ton ouvraige est tanvre il fault que ce soit presque tout estain
& Alié comme dict est
Lestain de glace ne se doit fumer mesler que a linstant que tu
veulx gecte
Ne les formes ne se doibvent fumer qualors
Si le sable se retire dans le chassis cest a dire quil le fault recuire
& rougir au foeu
Le bon sable ne prend poinct a la main en le pressant estant humecte
Le parfaict sable pour le chassis est laspalt qui se trouve en
Allemaigne qui est doulx comme farine & presq estant mouille Et presque
tous les aultres sont grumeleux
Nota que le gect doit estre tanvre & peu espes affin de ne
travailler point la matiere Et ne doit point passer lespesseur dun
travers dun grain de bled Mesmement pour lestain qui veult estre
gect fort tanvre Pour le plomb un peu plus espes il nest point besoing de fayre les souspirails fort larges & profonds aussy
Pour chassis le sable qui te sert a noyau de la composition susditte
est excellent Mays en le lavant broyant & recuisant plusieurs fois il
le fault corrompre de son naturel & quil ne soit point propre a faire
prise & mouler en noyau