[TOC] | [translation]

Gect en chassis

Le mesme sable qui ha servi aulx noyaulx recuits composes
comme dict est de plastre brique & alum de plume est excellent pour
jecter en chassis Et lay ainsy experimente Jay pile les lopins
qui estoient provenus des moules de noyau dans un mortier en trainant
le pilon pource que ce sable est fort doulx Je ne lay poinct passe
par le tamis pource que lalum de plume mesle parmy qui donne
liaison ny passeroit pas Mays jay subtilie sur le mabre ce
qui me sembloit trop grossier Et layant ainsy præpare Je lay
humecte avec de leau de sel armoniac faicte daussy gros
de sel armoniac comme deulx noix dans une bouteille deau commune
de telle grandeur quune bouteille dans laquelle on faict bouillir
de la ptisane ou dans un bon pot deau Que tu trouves dleau
mediocrement salee Jay mesle parmy leau de demy verre de
sel armoniac deulx ault deulx au t cueillerees dargent deau de
vye JaAyant ainsy humecte le sable de facon quil faisoict bonne
prise sesmiant touteffois aisement Jay saulpouldre ma medaille
avecq du charbon pulverise avecq une lime pour la desgraisser
dhuile & tout aultre graisse quil fault bien eviter car cela feroit
garderoit de bien despouiller Jay soufle ma medaille & lay moulee Et
la femelle du chassis estant remplye
Jay marque & faict une ligne sur le revers de la & bort de la
medaille & sur le sable prochain aussy Affin que le second
chassis sem prene empraincte la dessus pour denoter la place
pour faire le gect Ayant remply la femelle du chassis estant
remplye Jay descouvert le contour de la medaille Et ay ponce
de charbon pulverise tout ce coste Et puys ay remply le masle
de sable Ayant fai Jay separe le chassis Et nay poinct
frappe aulx coings de la d medaille pour la faire despouiller
pource que cela estonne le sable & le faict esp esmier Ains jay
frappe au revers du chassis tenant lendroit de la medaille en
bas Et elle ha moule fort net Si elle neust ainsy despouille
jeusse attendu de loster jusques a ce que les chassis fussent

Figure este desseiches au foeu Jay allume des un rang de charbons
entre deulx petits trepies de fer en la forme que tu vois Et ay
mis le dos des & revers des chassis dessus & lempraincte en
hault pource quen ceste sorte ilz se deseichent doulcement et si par cas
fortuit pour estre trop humectes il se fendent cest au dos qui
pr prend plus aprement le foeu & lempraincte demeure sauve & entier

at left top margin

Pour mieulx il fault recuire le
sable qui ha servi au noyau
plustost que sen
servir en chassis
jusques a ce quil ne se
retire plus

at left top margin

Excellent sable

Ayes un peu du
mesme sable le plus
subtil que tu pourras
pour en couvrir la
medaille

at left middle margin

Pour medailles &
choses plattes la vraye
chaleur du plomb & estain
cest quand il est fondu doulcement

at left middle margin

Note que jay emply le
chassis plustost que
presser et nay poinct
frappe Ains lay presse
de la seule force des
mains pource que le
frapper faict gaulchir
Asseure bien ton chassis
quil ne varie point
& si dessoubs tu y
mects du sable humecte
il nen tiendra que plus
ferme

at left bottom margin

Fais le gect qui ne soict
pas trop espes pour
ne charger pas la
medaille Mays si
large vers la medaille
quil embrasse
la tierce partye
Noublie pas
les souspirals

at left bottom margin

Desseicher les chassis
cest les priver dhumidite
quilz ne fument plus
estants neantmoings
bien chaults

at left bottom margin

Recuire est rougir le chassis ce qui se faict pour lor & pour largent

[continued]