118r - - - - - Escargots
Ceulx qui se trouvent dans la mer & mesmement ceulx dans lesquels
certains petits chancres se logent sont tres beaulx pour grottes s’ils
sont deschargés de la premiere crouste de leur coquille avecq de l’eau
fort, car ilz semblent vrayement estre de nacre de perle.
Pour oster les baves ou barbes
des choses moulées à noyau
Si tes moules sont de bon plastre, qui soubstienent bien le foeu, &
ilz ne se fendront point, mesmement si avecq des presses ilz sont bien
serrés entre deulx tables ou dans ung vaisseau plein de cendre ou
sable, & par ainsy ne feront poinct de baves. Mays s’ils en font, tu les
peulx oster avecq un burin qu’on appelle chaple, qui ha le bout comme un petit
ciseau.
Pour grottes
at left middle margin
Les vieulx seps de vigne
Les pierres faictes d’eau appellées stuf, le charbon, la composition
d’estaim & de letton fin, le papier pillé & meslé de verre pillé, le liege,
le parchemin chaufé, le corail blanc sont propres pour faire grottes.
Mays les lopins de bois fantasques qui se trouvent parmy les
forests & les funges & potirons des arbres, estants secs, sont
meilleurs que tout pource qu’ilz sont legers. On y mesle de petits
lopins d’estaim de glace, qui ha une lueur esclatante. On y pile
menu diverse sorte de marchasites, qu’on lave pour les purifier
de la terre & on en saulpouldre l’ouvrage, qui est tres beau.
S’il n’y ha point de fontaine en la grotte, on colle tout à l cela
de colle forte, qui et est bien tost faict. @Ayes montres de toutes sortes
de mines. Les marchasites sulfurées, qui n’ont point de grain mays
sont unies comme l’estain de glace, sont tres belles.
at left middle margin
La rosette
se trouve quelque
fois meslée de
certains lopins
aigres qui se
pulverisent
soubs le
marteau,
qui sont tres beaulx
pulverisés
sur grottes.
Estaim de glace
Il blanchist & rend ferme l’estaim fin, si en on on en mect
parmy une once parmy, c’est asçavoir i ℥ d’estaim de glace
dans une lb d’estaim fin.
Sel armoniac
Il Eau de sel armoniac est fort naturelle à mouler en or & en
argent.