Making and Knowing
A minimal edition of BnF Ms Fr 640

[TOC] | [translation]

- - - - - folio image: 118r - - - - -

Escargots

Ceulx qui se trouvent dans la mer & mesmement ceulx dans lesquels
certains petits chancres se logent
sont tresbeaulx pour grottes sils
sont descharges de la premiere crouste de leur coquille avecq de leau
fort
Car ilz semblent vrayement estre de nacre de perle

Pour oster les baves ou barbes
des choses moulées à noyau

Si tes moules sont de bon plastre qui soubstienent bien le foeu &
ilz ne se fendront point Mesmement si avecq des presses ilz sont bien
serres entre deulx tables Ou dans ung vaisseau plein de cendre ou
sable & par ainsy ne feront poinct de baves Mays sils en font tu les
peulx oster avecq un burin quon appelle chaple qui ha le bout comme un petit
ciseau

Pour grottes

at left middle margin

Les vieulx seps de vigne

Les pierres faictes deau appellees stuf Le charbon La composition
destaim & de letton fin Le papier pille & mesle de verre pille Le liege
Le parchemin chaufe le corail blanc sont propres pour faire grottes
Mays les lopins de bois fantasques qui se trouvent parmy les
forests & les funges & potirons des arbres estants secs sont
meilleurs que tout pourcequilz sont legers On y mesle de petits
lopins destaim de glace qui ha une lueur esclatante On y pile
menu diverse sorte de marchasites quon lave pour les purifier
de la terre & on en saulpouldre louvrage qui est tresbeau
Sil ny ha point de fontaine en la grotte On colle tout al cela
de colle forte qui et est bien tost faict @Ayes montres de toutes sortes
de mines Les marchasites sulfurees qui nont point de grain mays
sont unies comme lestain de glace sont tresbelles

at left middle margin

La rosette
se trouve quelque
fois meslee de
certains lopins
aigres qui se
pulverisent
soubs le
marteau
qui sont tresbeaulx
pulverises
sur grottes

Estaim de glace

Il blanchist & rend ferme lestaim fin si en on on en mect
parmy une once parmy cest ascavoir i destaim de glace
dans une lb destaim fin

Sel armoniac

Il Eau de sel armoniac est fort naturelle a mouler en or & en
argent