117v - - - - - Pour faire sortir la cendre
des moules des fleurs et herbes
Aulcuns y meslen mectent dedans de l’argent vif. Mays
si c’est en petit ouvraige ou foeille subtile & delicate qui n’aye
p qu’une subtile yssue, ilz font deulx erreurs: l’une, que
le vif argent par sa poisanteur peult rompre en f le
secouant dedans quelque traict delicat, l’autre, qu’il en
demeure tousjours quelque grain dedans qui rend les metaulx
aigres & empechent la perfection du gect. Il est vray
que si c’est pour evacuer le moule de quelque animal qui
soict grosset & qui aye grand conduict & passage par où
le vif argent puisse aisement sortir, comme d’un oiseau ou
serpent, on peut bien y mectre quantite d’argent pou vif
pour rompre en secouant les os calcinés de l’animal, à cause
que ledit ☿ s’esvacue & n’y demeure point.
at left top margin
La tige de l’asperge est si
dure que le plus souvent elle demeure
en charbon. Par ainsy fais la
plustost seicher ou la trempe d’huile
de soufre & de tourmentine,
ou bien gecte
separement les
petites branches
& les soulde sur
une grosse tige tirée
par la filiere.
at left middle margin
Si la chose bruslée
a laissé quelque
crasse ou cendre, laisse
un peu refroidir,
& avec un fil de
fer entourné de cotton
qui se peult courber
selon les cavités
que tu as à rechercher,
nettoye & soufle
ce default, ou avecq
une broisse doulce
ou pinceau coupé.
Marguerites
Elles se pourroient bien gecter en or. Mays si tu les veulx esmailler,
il les fault faire à la main & les esmailer, & puys les raporter.
Aultrement, les foeilles estant si pressées, l’esmail s’i confondroit.
Sable qui ha servi
Il ne le faut pas gecter. Mais à cause qu’il est meslé d’alum de plume,
tu le peux employer en la mixtion des aultres & le faire servir
au lieu de brique.
Mouler à noyau figures de cire
ou medailles de plomb
Frottes les d’huile avec un pinceau, mays que ce soit si legerement
que ta medaille en soict presque essuicte & qu’elle ne paroisse
presque pas avoir esté oincte. Aprés destr frotte la d’eau de vye
et fais chaufer l’eau de laquelle tu destremperas ton sable susdict
de plastre, brique & alum, affin qu’estant chau comme tiede quand tu
le gecteras, l’huile ne le refuse pas comme il feroit avecq l’eau
froide; & n’oublie pas en destrempant ton sable d’y mesler tousjours un peu
de sel armoniac.
at left bottom margin
Les medailles
se moulent ainsy fort
net.
Sang des serpens
S’il te faut couper quelque serpent dans le moule pour le brusler,
coupe le loing de l’entrée du moule affin qu’il n’y demeure point
de sang, car il feroit crouste qui aprés ne s’osteroit point par le
mesme vif argent & osteroit les impressions de ton moule.