117v - - - - - Pour faire sortir la cendre
des moules des fleurs et herbes
Aulcuns y meslen mectent dedans de largent vif Mays
si cest en petit ouvraige ou foeille subtile & delicate qui naye
p qune subtile yssue Ilz font deulx erreurs Lune que
le vif argent par sa poisanteur peult rompre en f le
secouant dedans quelque traict delicat L autre quil en
demeure tousjours quelque grain dedans qui rend les metaulx
aigres & empechent la perfection du gect Il est vray
que si cest pour evacuer le moule de quelque animal qui
soict grosset & qui aye grand conduict & passage par ou
le vif argent puisse aisement sortir comme dun oiseau ou
serpent On peut bien y mectre quantite dargent pou vif
pour rompre en secouant les os calcines de lanimal A cause
que ledit ☿ sesvacue & ny demeure point
at left top margin
La tige de lasperge est si
dure que le plus souvent elle demeure
en charbon par ainsy fais la
plustost seicher ou la trempe dhuile
de soufre & de tourmentine
Ou bien gecte
separement les
petites branches
& les soulde sur
une grosse tige tiree
par la filiere
at left middle margin
Si la chose bruslee
a laisse quelque
crasse ou cendre laisse
un peu refroidir
& avecq un fil de
fer entourne de cotton
qui se peult courber
selon les cavites
que tu as a rechercher
nettoye & soufle
ce default ou avecq
une broisse doulce
ou pinceau coupe
Marguerites
Elles se pourroient bien gecter en or mays si tu les veulx esmailler
il les fault faire a la main & les esmailer & puys les raporter
Aultrement les foeilles estant si pressees lesmail si confondroit
Sable qui ha servi
Il ne le faut pas gecter. Mais a cause quil est mesle dalum de plume
tu le peux employer en la mixtion des aultres & le faire servir
au lieu de brique
Mouler a noyau figures de cire
ou medailles de plomb
Frottes les dhuile avec un pinceau. Mays que ce soit si legerement
que ta medaille en soict presque essuicte & quelle ne paroisse
presque pas avoir este oincte Apres destr frotte la deau de vye
Et fais chaufer leau delaquelle tu destremperas ton sable susdict
de plastre brique & alum Affin questant chau comme tiede quand tu
le gecteras lhuile ne le refuse pas comme il feroit avecq leau
froide & Noublie pas en destrempant ton sable dy mesler tousjours un peu
de sel armoniac
at left bottom margin
Les medailles
se moulent ainsy fort
net
Sang des serpens
Sil te faut couper quelque serpent dans le moule pour la brusler
coupe la loing de lentree du moule affin quil ny demeure point
de sang car il feroit crouste qui apres ne sosteroit point par le
mesme vif argent & osteroit les impressions de ton moule