117r - - - - - Moyen de mouler les fleurs et herbes
Il les fault choisir en leur entiere verdure & vivacite & les mou
ne les cuillir pas sil est possible qua lheure quon les vouldra mouler
affin quelles ne se fanissent Ou sils te les fault porter de loing
fais leur tremper la queue dans une bouteille deau ou pour mieulx de vin
Fais doncq premierement une queue de cire en poincte comme une quille
de grandeur convenable a ce que tu veulx gecter comme tu vois au marge
cotthe A Pose & pique au pied de ceste petite quille ung bout de
fil de fer assez grosset & fort Et a la poincte dicelle tu adapteras
la queue de ta fleur ou de ton herbe Cela faict poses la proprement
a part Et disposes ton moule de t cercle & contour dardille comme
tu as faict pour les serpens en forme de mandorre ainsy que selon
la grandeur de ton herbe Puys prens celle que tu as præparee
pour mouler comme nous tavons enseigne & la trempe & mouille bien
curieusement avecq de bonne eau de vye avecq un pinceau Puys passe
la queue de fer par le bout de la mandorle de terre affin que la
quille de cire q ou lherbe est hantee se joingne au bout de la mandorle
de terre Et dispose tellement ton herbe ainsy couchee quelle demeure
au milieu de la dicte mandorre sans toucher en aulcun coste affin
que lae sable que tu y gecteras prene esgalle espesseur comme par
tout & excede soict de deulx bons doigts par tout par dessus lextremite
de telle lherbe Et ayant bien asseure la queue de fer Gecte
promptement destrempe ton sable destrempe beaucoup plus cler
que pour les serpents dedans la mandorle Et le plustost sera
le meilleur affin que leau de vye ne se seiche point Et advise
dy mectre un peu plus deau de sel armoniac parmy la commune
que tu ne fais pour les serpents Et quand tu ferois du sable
expres pour les bouquets ou tu meslasses un peu plus dalum de
plume il ne seroit que meilleur Ainsy ton moule sera tout
dune piece Et ne le fauldra poinct desjoindre Ains le laisser
separer de lardille lors quil aura faict prise Le laisser
seicher Et puys le recuire tant que lherbe soict bruslee Puys
Et note que si lherbe que tu veulx gecter a la tige & queue forte
tu la peulx gecter couchee comme dict a este Mais si cest quelque fleur
foible & delicate ject plante la debout avecq le pied de cire pourceque
le sable la gectera relevera tousjours en hault estant fort cler
Noublie pas dadapter deulx souspirails avecq deulx petits bastons
prenant au pied du gect qui est la poincte de la quille de cire
at left top margin
Si les herbes sont si delicates
quelles seslevent en hault
quand on gecte le sable destrempe
on les peult arrester & contenir aveclq du fil et passe parmy le cercle du moule avecq une esguille
Figure at left top margin
Figure at left middle margin
at left middle margin
Tant plus ta
fleur est subtile tant plus il
fault que le
sable soict clair
Figure at left bottom margin