116v - - - - - Mouler serpents en tout temps
AulcuPourceque lhiver elles sont cachees en terre
Aulcuns les nourrissent des en quantite dans des barriques
pleines de terre & couvertes de fiens Aultres font plusieurs
moules en este Car avecq un serpent tu en peulx faire
quatre ou cinq Et daultres moulent en long un serpent
naturel sans estre entortille Avecq du plastre commun recuit comme dit est
Pu en noyau & en deulx moules mypartys comme dict est
Puys y gectent de la cire Et ainsy ilz ont des serpents
quilz entournent comme ilz veulent Et puys les gectent en
metal comme dict est
at left top margin
Si en entortillant le
serpent de cire quelque
traict se deffaict
tu le peulx reparer
en ostant les baves
de la cire moulee
Mixture destain et de plomb
Pour herbes subtiles & autres fleurs ou feuillages tanvres
Il fault que lestaim fin excede le plomb plus des trois
pars Et si cest matiere espesse & grosse il faut
aussy que le plomb excede de plus des trois pars
Chaufe le principallement lestain quil soict presque rouge
& fort chault Et comme tu vouldras gecter en ostant ton
creuset du foeu gecte y deulx ou trois grains de rousine
& sur une lb & demye ou deulx de plomb ou estain mects
y avecq la rousine aussy gros destain de glace comme est
la grosseur dune avelane avecq sa coquille & mesle & gecte
Et fais quil y aye plus de metal quil ne fault affin
quil en reste Toutefois sil en manquoit acheve de gecter
& il se prendra Neantmoins il ne sera pas si net
Trempe apres ton moule dans leau & avecq une poincte
deffais le discrettement affin de ne rien gaster Fais ton gect
longuet Si la matiere est fort tanvre il fault que ce soit presque
tout estaim
at left middle margin
Si tu moules
de plu veulx gecter
en plomb ou estain
en noyau dans le
sable susdict recuits
ton moule une foys
seulement sil ny a rien
a brusler dedans
Mays si cest pour
herbes fleurs & animaulx
a brusler il le fault
recuire deulx foys
Touteffoys non pas
tant la seconde foys
pour plomb & estain
comme pour argent & or
Car pour ceulx la
il fault quilz soient
rouges quand tu gectes
Mays pour le plomb
et estain laisses le
refroidir jusques a
ce que tu puisses
tenir le bout du
doigt dans le gect
sans te brusler Ains
que tu trouves une
chaleur tiede
Gect pour cuivre et letton
Pour le cuivre rouge il fault mectre du sel armoniac qui
le nettoye & repurge de toute sa crouste quand il est bien fondu
Il en y a qui y mectent des lopins de vieulx cuir gros cuir noeuf
Aultres des pareures des pieds de mulots Aultres du sel commun
fondu seul ou bien fondu avecq du salpestre Le principal est
le sel armoniac & un peu destaim fin comme tu veulx gecter Le cuivre
rouge est plus fascheus a fondre M que le letton Mays quand il est
bien fondu il coule mieulx mesmement sil est allie dun de letton Le letton
sallie dun quart de cuivre Et on y mect comme au cuivre Mays particulierement
un peu de calamine le fait bien
courre