116r - - - - - [continued]
Mouler bouquets, herbes et fleurs
Il les fault mouler tout aussy tost qu’ilz sont cueillis, à
cause qu’ilz se fanissent & seichent. Trempe les doncq
incontinent en eau de vye bonne, & puys les mects dans ton moule
de sable destrempé, comme des serpents. À quoy il ne fault point
de despouille, car les moules se recuissansts l’herbe se brusle,
ce qui ne se faict pas des animaulx, qui ont des os& q.
Il fault que pour les bouquets le sable soict plus cler que pour
les serpents, pource que s’il estoit espés il chargeroit la fleur.
at left top margin
Figure
brusler les herbes, fleurs
et partyes d’animaulx qui sont
demeurés dedans. Aprés il fault
les nettoyer
& retirer la
cendre. Secondement
les recuire
& rendre rouges
pour gecter.
Recuits au
commancement avecq
quelques charbons
allumés à doulx
foeu, et pose de
plat tes moules à noyau
sur les charbons entournés
de briques. Les moules à chassis se
recuisent sur une grille.
Mouler de en noyau
de mesme sable images de cire ou
medailles de plomb et semblable
Advise si elles sont bien en despouille. Si elles ne le sont, remplis
de cire ce qui ne le sera pas, et puys oings tes images de cire ou de
plomb d’huile d’olif fort delié & fort legerement, de sorte que l’huile ne face
aulcune espesseur ne corps sur la medaille. Puys fais chaufer un peu
de l’eau de vye jusques a ce, & comme elle sera tiede mouilles en la medaille
huilée, car si elle est l’eau estoit froide, elle refuseroit l’huile, elle ne
s’y assoiroit pas. Aprés gecte ton sable de plastre bri, matton &
alum destrempé dessus, ayant disposé ton image sur la mandorle
d’ardile & y ayant faict un contour de pour luy donner l’espesseur
necessaire. Ces medailles s’huilent & frottent ainsy d’eau de vye, pource que
elles sont fermes & dures & ne presteroient pas pour les retirer deu
la moule, qui est tenace, comme font les animaulx naturels qui sont
mols & flexibles.
at left middle margin
Quand tu as
destrempé
ton sable,
ne gecte pas
sur le milieu
du moule
mays sur le
bord, affin
que le sable
descende
doulcement,
que le comman—
cement soict
cler & aprés
espés. Si ton
sable destrempé
crie comme eau
tumbant
dans le molle,
c’est signe qu’il
est trop cler.
Fais le
doncq de
moyenne
espesseur.
Gect pour or et argent
Il fault que les moules soient rouges de foeu & embrasés
quand tu y gectes or & argent ou que tu fais brusler les
fleurs & bouquets. Le gect ne doibt poinct estre beaucoup espés sur
l’entree de la chose moulée, pource que la matiere va mieulx à son aise
sans estonner le moule, &
ne soufle pas tant.
Moyen desmouler d’esmailler des foeilles
dore roses d’or fort subtilles et aultres
Aprés que tu as gecté ou battu en or les foeilles tanvres d’une rose
ou aultres choses, si tu les veulx esmailler, il faut que tu souldes
ou brases tes foeilles d’or subtilles sur des lames d’argent, qui luyeur
donneront force pour soubstenir l’esmail. Aprés, la chose estant esmaillée,
mects l’ouvraige dans l’eau d fort, qui mangera l’argent & laissera l’or
entier avecq son esmail. Il fault que l’or pour cecy soict esté passé