116r - - - - - [continued]
Mouler bouquets herbes et fleurs
Il les fault mouler tout aussy tost quilz sont cueillis a
cause quilz sen fanissent & seichent Trempe les doncq
incontinent en eau de vye bonne & puys les mects dans ton moule
de sable destrempe comme des serpents A quoy il ne fault point
de despouille Car les moules se recuissansts lherbe se brusle
ce qui ne se faict pas des animaulx qui ont des os & q
Il fault que pour les bouquets le sable soict plus cler que pour
les serpents pourceque sil estoit espes il chargeroit la fleur
at left top margin
Figure
brusler les herbes fleurs
et partyes danimaulx qui sont
demeures dedans Apres il fault
les nettoyer
& retirer la
cendre Secondement
les recuire
& rendre rouges
pour gecter
Recuits au
commancement avecq
quelques charbons
allumes a doulx
foeu Et pose de
plat tes moules a noyau
sur les charbons entournes
de briques Les moules a chassis se
recuisent sur une grille
Mouler de en noyau
de mesme sable images de cire ou
medailles de plomb et semblable
Advise si elles sont bien en despouille si elles ne le sont remplis
de cire ce qui ne le sera pas Et puys oings tes images de cire ou de
plomb dhuile dolif fort delie & fort legerement de sorte que lhuile ne face
aulcune espesseur ne corps sur la medaille puys fais chaufer un peu
de leau vye jusques a ce & comme elle sera tiede mouilles en la medaille
huilee Car si elle est leau estoit froide elle refuseroit lhuile elle ne
sy assoiroit pas Apres gecte ton sable de plastre bri matton &
alum destrempe dessus ayant dispose ton image sur la mandorle
dardile & y ayant faict un contour de pour luy donner lespesseur
necessaire Ces medailles shuilent & frottent ainsy deau de vye pourceque
elles sont fermes & dures & ne presteroient pas pour les retirer deu
la moule qui est tenace comme font les animaulx naturels qui sont
mols & flexibles
at left middle margin
Quand tu as
destrempe
ton sable
ne gecte pas
sur le milieu
du moule
mays sur le
bord affin
que le sable
descende
doulcement
Que le comman
cement soict
cler & apres
espes Si ton
sable destrempe
crie comme eau
tumbant
dans le molle
cest signe quil
est trop cler
Fais le
doncq de
moyenne
espesseur
Gect pour or et argent
Il fault que les moules soient rouges de foeu & embrases
quand tu y gectes or & argent ou que tu fais brusler les
fleurs & bouquets Le gect ne doibt poinct estre beaucoup espes sur
lentree de la chose moulee pource que la matiere va mieulx a son aise
sans estonner le moule &
ne soufle pas tant
Moyen desmouler desmailler des foeilles
dore roses dor fort subtilles et aultres
Apres que tu as gecte ou battu en or les foeilles tanvres dune rose
ou aultres choses si tu les veulx esmailler Il faut que tu souldes
ou brases tes foeilles dor subtilles sur des lames dargent qui luyeur
donneront force pour soubstenir lesmail Apres la chose estant esmaille
mects louvraige dans leau dfort qui mangera largent & laissera lor
entier avecq son esmail Il fault que lor pour cecy soict este passe