[TOC] | [translation]

Gect destaim

Si lherbe ou fleur que tu veulx gecter en estaim est delicate &
subtile Il fault que lestaim excede la mixture de plomb & au
contraire si elle est espaisse il fault que le plomb excede Doncq
pour la mixture chose subtile mets sur de lestaim fin non pas
du tout la quarte partie de plomb Et fait que ton moule soict
chaudelet de telle sorte que tu le puisse tenir a la main quand
tu vouldras gecter . Quand a lestain alie ainsy que dict est il
fault quil soict fort chault & quasi rouge pour gecter affin
quil penetre Autrement ayant a faire long cours par les subtiles
branches de lherbe il seroict froid plustost que dy parvenir
Et noublie pas de mesler parmy un peu destaim de glace qui le
faict mieulx courir & laffermist

at left top margin

Sur le plomb
allie destain ou
estain allie de plomb
tu peux mectre un bien
peu de metalline & il
semblera argent
Mays nen mects
gueres car cela
endurcist la
matiere & laigrist
aussy de sorte
que pour chose
delicate comme pattes
& semblables il
ne seroit pas
propre

Pour donner vent au moule

Oultre les soupirails si ton esherbe est fort subtile
tu peulx passer un fil au travers du contour dardile plustost que gecter
avecq une eguille & faire quil passe parmy lherbe Et le fil se
bruslant comme lherbe le trou demeurera qui donnera air & vent
pour aider a nettoyer.

at left middle margin

Ne retire pas
tes moules recuits
du feu quilz ne
soient refroidis
deulx mesmes & garde
que le vent ou froid ne les frappe estant fort chaulx car cela les feroit crever
Il ne les fault pas recuire quilz ne
soient essores et affermis car aultrement
ilz se gecteroient et
fault plustost faire
les gects & souspirails
& mectre les crampons

Recuire ses moules a noyau

Apres que tes moules ont leur gect souspirails & crampons comme
dict est fais au bout de la forge en ou en quelque lieu net
un entour de briques et lemplis de gros charbons demy allumes
Et poses tes moules dessus et laisse ainsy de soy mesmes
allumer les charbons une demye heure affin quilz seschaufent
peu à peu et non tout a coup En fin comme ilz commanceront a
devenir blancs boute peu a peu de gros charbon ainsy demy
allumes par dessus & soufle avecq ton petit souflet jusques a
ce quilz soient eschaufe Et ainsy peu a peu vigore le foeu sans
presser jusques a ce que tes moules soient bien rougis & dehors
& dedans si cest pour le gect de quelque herbe ou de quelque
animal qui ne soict pas bien en despouille & que pour ceste
occasion il le faille brusler dans le moule Et quand tu regarderas
par le gect & que par iceluy tu verras que les moules sont bien
rouges & enflammes dedans Ce te sera signe quilz seront assez
recuits mays si tu ne vois ce signe augmente & continue le foeu
jusques a ce que cela soict Sil ny a rien dans le moule quil faille
brusler Ce sera asses quilz soient bien desseiches a ce mesme foeu
si cest pour gect destain Ilz se recuisent bien mieulx dans un
four de reverberation

at left bottom margin

Figure Garde de ne donner
pas le feu a coup
de peur f que dedans
tes moules ne se
fendent

at left bottom margin

Ils sont asses
recuits quand tout
le trou du gect est
rouge quand il est
noir il nest pas
asses

at left bottom margin

Pour gecter en argent
il ne fault point
recuire deulx foys
& Sil ny a quelque chose
dans le moule quil faille
despouiller brusler pour
nestre pas de bonne despouille Tous les moules des ferriers se recuisent deulx foys la premiere pour

[continued]