115r - - - - - at left top margin
[continued]
@ si tu veulx, qui sera assés,
ou bien au deux moictiés.
Mays pource qu’il fault
gecter par la queue ou derriere de l’animal,
fais que les soupirails viennent despuys
la teste & milieu du corps respondre
à la dicte queue
où se faict le
gect, qui est le
bout de la
mandorre.
NEt ayant faict
ton gect, n’oublye
pas de faire
dans iceluy
des trous
et coches, pource que
le metal courra
plus nettement
ainsy que si
le gect estoit
uny, car il se
corrompt
dans ses
coches & trous
& ne va pas
si à coup & ne
soufle pas tant.
Cela faict,
mects joincts
tles deux moictiés
de ton moule &
fortifie les
joinctures,
mectant aultour
d’icelles des
petits crampons
de fil de fer
de ceste forme.
Ilz empeschent
que les molles
ne se gaulchissent
& corrompent
en recuisant.
Faire le gect, recuire les moules,&c.
Advertissement sur tout ce
que dessus|—|
Si ton serpent a esté long temps sans manger, il advient que, quand
tu le veulx faire mourir dans l’urine & vinaigre, il s’emplist de
beaucoup d’eau & s’enfle, et aprés il se deseche comme tu le plantes &
disposes sur la tourtelle d’ardille, et aprés il advient que quand tu
as gecté ton moulesable destrempé dessus & qu’il ha faict prise, il se trouve
retiré de sorte qu’entre le serpent & animal il y a une petite ligne de distance,
D dans laquelle entre le second sable destrempé gecté. M Evite doncques
cela si tu peulx. Mays s’il ne se peult, ne laisse pour cela de faire
ton second gect, car le sable qui entrera dans ce vuide sera si foible
qu’aisement il s’enlevera avecq une petite poincte & n’aura poinct faict prise
avecq le premier endurcy.
Note qu’il fault plus d’alum de plume aux moules qui se doibvent
recuire, comme ceulx pour l’or & l’argent, & pour les choses qu’il fault brusler
dedans, qu’à ceulx qui sont en bonne despouille & qui ne sont que pour
gecter plomb & estaing. @Toutefois en l’un et l’autre n’en mects pas
trop.
Animal hors de despouille
Si par cas fortuict tu as donné un tel entortillement à ton serpent
que l’endroit du ventre n’en puisse aysement sortir, d’aultant que
la teste & la queue, qui sont les deulx yssues, sont plus deliées, coupe
tout ce qui est dehores, & recuits si bien le moule que ce qui
est demeuré dedans se brusle, puys passe du vif argent dedans,
& attirant ce qui la cendre & os bruslé de dedans, il en sortira aussy,
à cause que le conduit est grand, & ainsy n’aigrira point ta
matiere. Tu peulx bien tirer à force le serpent moulé, pource qu’il
est mol & prest & obeist, & le moule ayant faict prise est si
ferme que pour cela l’empraincte ne se gastera poinct.
Figure at left bottom margin
Recuite de moules
Aprés que tes moules sont recuits le p & nettoyés, le plus tost gecté
est le meilleur, pource que si tu les gardes ilz se corrompent et humectent. @ Recuits le plus espés, où est le corps de l’animal, en hault affin que, s’il y a
quelque chose dedans a brusler, qu’il tombe en bas.
Marque la partye d’en hault pour la cognoistre
Il n’est que bon de laisser un peu amortir le
molle par dehors, pource estant bien recuit, pource
qu’il demeure rouge par dedans quand tu gecteras.
Figure at left bottom margin