115r - - - - - at left top margin
[continued]
@ Si tu veulx qui sera asses
ou bien au deux moicties
Mays pource quil fault
gecter par la queue ou derriere de lanimal
fais que les soupirails viennent despuys
la teste & milieu du corps respondre
a la dicte queue
ou se faict le
gect qui est le
bout de la
mandorre
NEt ayant faict
ton gect noublye
pas de faire
dans iceluy
des trous
et coches pourceque
le metal courra
plus nettement
ainsy que si
le gect estoit
uny Car il se
corrompt
dans ses
coches & trous
& ne va pas
si a coup & ne
soufle pas tant
Cela faict
mects joincts
tles deux moicties
de ton moule &
fortifie les
joinctures
mectant aultour
dicelles des
petits crampons
de fil de fer
de ceste forme
ilz empeschent
que les molles
ne se gaulchissent
& corrompent
en recuisant
Faire le gect recuire les moules & Advertissement sur tout ce
que dessus/—/
Si ton serpent a este long temps sans manger il advient que quand
tu le veulx faire mourir dans lurine & vinaigre il semplist de
beaucoup deau & senfle Et apres il se deseche comme tu le plantes &
disposes sur la tourtelle dardille et apres il advient que quand tu
as gecte ton moule sable destrempe dessus & quil ha faict prise il se trouve
retire de sorte quentre le serpent & animal il y a une petite ligne de distance
D dans laquelle entre le second sable destrempé gecté M Evite doncques
cela si tu peulx Mays sil ne se peult Ne laisse pour cela de faire
ton second gect Car le sable qui entrera dans ce vuide sera si foible
quaisement il senlevera avecq une petite poincte & naura poinct faict prise
avecq le premier endurcy
Note quil fault plus dalum de plume aux moules qui se doibvent
recuire comme ceulx pour lor & largent & pour les choses quil fault brusler
dedans qua ceulx qui sont en bonne despouille & qui ne sont que pour
gecter plomb & estaing Toutefois en lun et lautre nen mects pas
trop
Animal hors de despouille
Si par cas fortuict tu as donne un tel entortillement a ton serpent
que lendroit du ventre nen puisse aysement sortir daultant que
la teste & la queue qui sont les deulx yssues sont plus delies coupe
tout ce qui est dehores & recuits si bien le moule que ce qui
est demeure dedans se brusle puys passe du vif argent dedans
& attirant ce qui la cendre & os brusle de dedans il en sortira aussy
a cause que le conduit est grand & ainsy naigrira point ta
matiere Tu peulx bien tirer a force le serpent moule pourcequil
est mol & prest & obeist & le moule ayant faict prise est si
ferme que pour cela lempraincte ne se gastera poinct
Figure at left bottom margin
Recuite de moules
Apres que tes moules sont recuits le p & nettoyes le plus tost gecte
est le meilleur pourceque si tu les gardes ilz se corrompent et humectent
recuits le plus espes ou est le corps de lanimal en hault affin que sil y a
quelque chose dedans a brusler quil tombe en bas
marque la partye den hault pour la cognoistre
il nest que bon de laisser un peu amortir le
molle par dehors pource estant bien recuit pource
quil demeure rouge par dedans quand tu gecteras
Figure at left bottom margin