114v - - - - - [continued]
Figure at left top margin
Cela ainsy præparé, pose ton de premier demy molle sur la
tourtelle de terre ardille & y mects le cercle de mesme aultour
& fais la marque de l’espesseur semblable à la premiere.
Puys, avecq un aultre pinceau assés grosset, mouille bien
partout la moictié & le ventre descouverte de ton animal
Et d’eau de vye, sans laisser rien s’il est possible qui n’en soict mouillé,
car c’est le secret qui faict venir net. Et aprés, le plus
promptement qu’il te sera possible, devant que l’eau de viye
ne s’esvapore, destrempe ton sable et le gecte à secousses
et en souflant & mouvant le moule comme tu as faict au
premier, prenant garde que le premier q commancement de
ce que tu verses sur l’animal doibt estre un peu plus cler
que le suivant affin qu’il mouille bien partout & resuive les
plus subtilles parties. Adoncq laisse un quart d’heure
fayre prise, puys oste le cercle & tourtelle d’ardille, et
avec un costeau adapte tes deulx moles uniment ensemble
en forme longuette de mandorre, comme dict est, à cause du
gect. Et trempe un peu tout le moule, mesmement à droit
les joinctures, dans l’eau, car cecy est un aultre secret
pour les desjoindre, aultrement tu romprois tout.
Separes les doncq par ce moyen dextrement, et aprés
retire doulcement & avec patience et moyen la moictié
de l’animal demeurée dans l’un des moules, pour le tirant
tantost d’un costé & tantost d’un aultre, pour eviter de ne rompre
rien d’iceluy ne gaster aussy quelque chose du moule. Et
Lequel estant vuide, retire rejoints les deulx moictiés affin
que aulcune poulsiere n’y entre, & les mects à part jusques à
ce que tu les veuilles recuire, faire le gect & les souspirals
& mectre les crampons. Et quand à l’animal, affin qu’il ne
se seiche & que tu en puisse mouler quattre ou cinq fois,
mects le dans l’eau. Et croy qu’il se garderoit encores
mieulx dans l’eau de vye. Toutesfois le mieux seroit de mouler
au mesme jour les 4 ou 5 moules que tu peulx faire,
pource que ces animaulx infects d’eulx mesmes sont dans
un jour puants. Ayant laissé tes moules un jour ou deulx es à essorer,
car ils se garderont humides bien un moys, fais les souspirails à une moictié.
Figure
at left top margin
+ Note que quand tu as
faict ton second gect, si tu
laissois un jour ou une
nuict ton moule sans
l’ouvrir, il te le fauldroit
aprés tremper dans
l’eau chaulde ou bien
le recuire plustost que
l’ouvrir, comme pour les
chancres.
at left top margin
Si aprés que les deulx
moictiés du noyau ont
faict prise forte & dure,
tu ne trampois le moule
dans l’eau, il ne se
desjoindroit point. Mays
comme tu trempes le revers
du moule dans l’eau, l’huile
imbeue se retire à la superficie
& adroit les joinctures, & les
faict separer.
at left middle margin
Toutesfois advise
bien que ton second moule
soict de bonne espesseur
& qu’il soict assés dur,
pource que s’il manque
en cela, aprés l’avoir
trempé en l’eau & que
tu le vouldras ouvrir,
il y a dangier qu’il
ne se rompe. Advise
doncq d’obvier à cela,
et le voulant ouvrir,
trempe le tout dans
l’eau et le frotte partout où il s’endurcira
s’il ha faict bonne
prise. Alors prends
tes deulx moules, joincts
avecq un linge rude
pour avoir plus de
prise, et separe les
avecq force comme si
tu voulois escarteler
un pain. Mays s’il
advient qu’il se rompe,
joincts le & par le
revers, fortifie les joinctures avecq des crampons. Figure
at bottom margin
Aprés tu peulx reparer les faultes
avecq de petits ciseaulx. [continued]