114v - - - - - [continued]
Figure at left top margin
Cela ainsy præpare pose ton de premier demy molle sur la
tourtelle de terre ardille & y mects le cercle de mesme aultour
& fais la marque de lespesseur semblable a la premiere
puys avecq un aultre pinceau asses grosset mouille bien
par tout la moictie & le ventre descouverte de ton animal
Et deau de vye sans laisser rien sil est possible qui nen soict mouille
car cest le secret qui faict venir net Et apres le plus
promptement quil te sera possible devant que leau de viye
ne sesvapore destrempe ton sable et le gecte a secousses
et en souflant & mouvant le moule comme tu as faict au
premier prenant garde que le premier q commancement de
ce que tu verses sur lanimal doibt estre un peu plus cler
que le suivant affin quil mouille bien par tout & resuive les
plus subtilles parties Adoncq laisse un quart dheure
fayre prise puys oste le cercle & tourtelle dardille Et
avec un costeau adapte tes deulx moles uniment ensemble
en forme longuette de mandorre comme dict est a cause du
gect Et trempe un peu tout le moule mesmement a droit
les joinctures dans leau Car cecy est un aultre secret
pour les desjoindre Aultrement tu romprois tout
Separes les doncq par ce moyen dextrement Et apres
retire doulcement & avec patience et moyen la moictie
de lanimal demeure dans lun des moules pour le tirant
tantost dun coste & tantost dun aultre pour eviter de ne rompre
rien diceluy ne gaster aussy quelque chose du moule Et
lequel estant vuide retire rejoints les deulx moicties affin
que aulcune poulsiere ny entre & les mects a part jusques a
ce que tu les veuilles recuire faire les gect & les souspirals
& mectre les crampons Et quand a lanimal affin quil ne
se seiche & que tu en puisse mouler quattre ou cinq fois
mects le dans leau Et croy quil se garderoit encores
mieulx dans leau de vye Toutesfois le mieux seroit de mouler
au mesme jour les 4 ou 5 moules que tu peulx faire
pourceque ces animaulx infects deulx mesmes sont dans
un jour puants Ayant laisse tes moules un jour ou deulx es a essorer
car il se garderont humides bien un moys fais les souspirails a une moictie
Figure
at left top margin
+ Note que quand tu as
faict ton second gect si tu
laissois un jour ou une
nuict ton moule sans
louvrir Il te le fauldroit
apres tremper dans
leau chaulde ou bien
le recuire plustost que
louvrir comme pour les
chancres
at left top margin
Si apres que les deulx
moicties du noyau ont
faict prise forte & dure
tu ne trampois le moule
dans leau il ne se
desjoindroit point Mays
comme tu trempes le revers
du moule dans leau lhuile
imbeue se retire a la superficie
& adroit les joinctures & les
faict separer
at left middle margin
Toutesfois advise
bien que ton second moule
soict de bonne espesseur
& quil soict asses dur
pourceque sil manque
en cela apres lavoir
trempe en leau & que
tu le vouldras ouvrir
il y a dangier quil
ne se rompe Advise
doncq dobvier a cela
Et le voulant ouvrir
trempe le tout dans
leau et le frotte par tout ou il sendurcira
sil ha faict bonne
prise Alors prends
tes deulx moules joincts
avecq un linge rude
pour avoir plus de
prise Et separe les
avecq force comme si
tu voulois escarteler
un pain Mays sil
advient quil se rompe
joincts le & par le
revers fortifie les joinctures avecq des crampons Figure
at bottom margin
Apres tu peulx reparer les faultes
avecq de petits ciseaulx [continued]