113v - - - - - [continued]
de sorte quen recuisant les deulx gects se disjoindront Et
pour pl Doncq pour cet effect ayes plusieurs escuelles
de diverse grandeur qui ayent un bec pour mieulx gecter
Dans icelles mects de leau commune de fontaine & y
mesles Aultant quil pourroit tenir dans un œuf # deau
de sel Armoniac composee comme dict est Si tu veulx gecter
en plomb ou estaim pourcequil en fauldroit dadvantage
pour lor & argent Leau estant dans ton escuelle Mesles Mets
y ton sable dedans & non pas leau dans le sable & adjouste
le a dista dista avecq telle discretion quilen le brouillant
& destrempant promptement avecq une cueillere de bois il
ne soict pas plus espes que moustarde claire Et ainsy
gecte le premierement le plus cler qui es comme est tousjours
la superficie a secousse & da un peu de hault dans ton
moule Et en ce faisant comme lanimal est presque
couvert soufle bien fort par tout affin de dissiper les
petites bulles ou bouillons que faict le sable destrempe
& continue sans delay dy mectre tout le reste qui est au
fonds & un peu plus espes que le dessus jusques a ce que
tout soict remply jusques a la marque despesseur que
tu as faicte
Figure
Et noublie de branler le moule affin en
gectant affin que le sable destrempe coure & entre bien par
tout Donne aussy un peu de pante au moule du coste de
la teste qui est plus haulte que le corps Et ainsy ton
moule aura pareille espesseur & tu espargneras du sable
Tout cela estant curieusement fai acheve laisse faire
prise ce qui sera dans un quart dheure Lors despouille
le contour dardille qui te servira pour aultre fois Et
laisse encores un peu secher & separe ton moule de la
tourtelle de terre qui aussy dete sera propre pour mouler
derechef et retranche le superflu avecq un grand cousteau luy II
donnant forme longue de mandorre Rasche
Rascle & coupe aussy le derriere du moule qui est tousjours le plus
foible Et laproprie proprement ainsy Et noublie de
fayre autour des coches affin que le second gect si encre
& lye mieulx Figure
at left top margin
Si tu peulx emplis
ton demy moule
tout a ung coup &
a la pre une destrempe
cest le meilleur
at left top margin
#
ou deulx œufs
pourcequil ny a
point de danger
quil y en aye plus
Et leau Si tu gectes
a deulx fois cest asses
de mectre eau de sel
armoniac a la premiere
esculee
at left top margin
Fais le cler comme
un brouet de puree
ou comme leau damidon
de quoy les femmes
font leur amydon
Car il ny a point
de danger quil soict
fort cler pourceque
tousjours le
sable saplombe
au fonds & leau
se retire & demeure
au dessus lequel
aussy bien on rascle
comme trop foible & mol
Et il ne sera pas
pour cela de faire
bien tost prise car
toutes choses calcinees
se deseichent promptement
de leau meslee
at left bottom margin
Figure
Si tu nemplis du
premier coup ton
moule destrempe du
sable destrempe
Advise bien de
brouiller le second
gecte avecq le pa superficie
du premier p en
le meslant avecq
ta cuillere ou
pallete avecq lequel
tu le destrempes
at left bottom margin
Leau de sel armoniac nest pas
necessaire aulx petits moules qui ne requierent pas grand ne long foeu pour estre recuits
touteffois quand tu y en mettras il ne sera que mieulx