[TOC] | [translation]

[continued]

bout qua pour les ten retirer au besoing. Et advise qu’il fault que ces
poinctes soient de fil de fer le plus delié que pourra comporter la grandeur
de l’animal. Car tant plus il est delié, tant moings paroist le trou qu’il
laisse. Touteffoys il en fault de diverses grosseurs pource quile de les
poinctes qui s’en mectent au corps & en lieu plus espés, comme sous la gorge,
doibvent estre plus longues & plus fortes que celles des pates & parties
tanvres, où les poinctes doivent estre subtiles & deliés quasi comme
les plus grosses cordes d’espinettes. Et est mieulx qu’elles soient de fil de
fer, qui est plus ferme que celuy de latton. Et si le bout d’une queue ou bout
d’ongle ou de pate se doibt joindre au corps, n’i mects pas de poincte
pour ne le corrompre. Mays pose aussy gros de cire qu’un grain de
mil entre le corps & cele qui bout de queue, puys avecq un bout
de fil de fer aplaty & chault, touche ceste cire, & joingts en pressant
legerement. Ainsy ton animal estant bien posé sur la tourtelle,
faicte en forme de mandorre, pose tout aultour un entour de mesme

Figure terre, en ceste sorte, Figure & le joings bien tout
au circuict, puys avecq un grand costeau, avecq lequel tu
as coupé de mesure la tourtelle, roigne le contour qui l’excede & y pose
une piece au bout pour la fermer comme tu vois b. Puys avecq un petit
instrument recourbé, marque par dedans le contour l’espesseur que tu
vouldras donner au moule, qui sera pour un commun serpent assés espés
de deulx poulces, affin que quand tu gecteras ton sable destrempé, tu
voyes quand il sera assez espés. Tout cela curieusement acommodé,
mouille bien partout de bonne eau de vye avecq un pinceau le corps
de l’animal qui est descouvert. Car est icy le secret de la plus tenu fort
caché, pource que tout ce qui vsera touché de l’eau de vye viendra sans
doubte tres net & sans souflements aulcuns petits yeulx ou trous qu’on
appelle souflement, qui viennent communement non pas au dos & à l’espés
du moule mays aulx bords. Et soubdain que tu auras ainsy bien
mouillé partout d’eau de vye, gecte ton sable destrempé sans laisser
deseicher l’eau de vye qui s’evapore promptement. Et le destrempe ainsy.

at left top margin

Figure
et fais que la
poincte soict
longuette selon
que tu veulx
hausser la
teste, et qu’elle
soict poinctue
par les deulx
bouts. Estant
ainsy posée,
plante le
serpent sur
le plastre
de terre & y
dispose premi—
erement la teste
puys le reste.

at left middle margin

L’eau de vye
de trois passes.

at left middle margin

Si aprés que
tu as posé ton
animal sur la
tourtelle d’ardille,
tu est diverty
en quelque
occupation, frotte
ton animal d’eau
de vye & dessoubs
le ventre
affin qu’il ne se
seche & se
preigne à la
terre Figure

at left bottom margin

Si quand tu
perses l’animal,
il rend de l’eau
par bas du
costé du ventre
sur la plastre
de terre, nettoye
bien avecq du
cotton, car le
sable qui y
toucheroit seroit
grumeleux. Si c’est dessus l’animal
netoye le plus curieusement,
et le touche
& mouille fort
d’eau de vye

Destremper le sable et mouler le premier
gect

Ayes une escuelle de terre plombée de telle grandeur qu’elle puisse contenir
le sable destrempé, qui fera besoing de pour remplir ton moule tout à
un coup, qui est mei mieux qu’à deulx foys, pource que si tu ne gectes
promptement la seconde destrempe, il y aura danger que pendant
que tu la præpares, que la premiere ne fasse prise & s’endurcisse,

[continued]