Making and Knowing
A minimal edition of BnF Ms Fr 640

[TOC] | [translation]

- - - - - folio image: 113r - - - - -

[continued]

bout qua pour les ten retirer au besoing Et advise quil fault que ces
poinctes soient de fil de fer le plus delie que pourra comporter la grandeur
de lanimal Car tant plus il est delie tant moings paroist le trou quil
laisse Touteffoys il en fault de diverses grosseurs pource quile de les
poinctes qui sen mectent au corps & en lieu plus espes comme sous la gorge
doibvent estre plus longues & plus fortes que celles des pates & parties
tanvres ou les poinctes doivent estre subtiles & delies quasi comme
les plus grosses cordes despinettes Et est mieulx quelles soient de fil de
fer
qui est plus ferme que celuy de latton Et si le bout dune queue ou bout
dongle ou de pate se doibt joindre au corps Ni mects pas de poincte
pour ne le corrompre Mays pose aussy gros de cire quun grain de
mil
entre le corps & cele qui bout de queue Puys avecq un bout
de fil de fer aplaty & chault touche ceste cire & joingts en pressant
legerement Ainsy ton animal estant bien pose sur la tourtelle
faicte en forme de mandorre pose tout aultour un entour de mesme

Figure Figure terre en ceste sorte Figure Figure & le joings bien tout
au circuict puys avecq un grand costeau avecq lequel tu
as coupe de mesure la tourtelle roigne le contour qui lexcede & y pose
une piece au bout pour la fermer comme tu vois b Puys avecq un petit
instrument recourbe
marque par dedans le contour lespesseur que tu
vouldras donner au moule qui sera pour un commun serpent asses espes
de deulx poulces Affin que quand tu gecteras ton sable destrempe tu
voyes quand il sera assez espes Tout cela curieusement acommode
mouille bien par tout de bonne eau de vye avecq un pinceau le corps
de lanimal qui est descouvert Car est icy le secret de la plus tenu fort
cache pource que tout ce qui vsera touche de leau de vye viendra sans
doubte tres net & sans souflements aulcuns petits yeulx ou trous quon
appelle souflement qui viennent communement non pas au dos & alespes
du moule mays aulx bords Et soubdain que tu auras ainsy bien
mouille par tout deau de vye gecte ton sable destrempe sans laisser
deseicher leau de vye qui sevapore promptement Et le destrempe ainsy

at left top margin

Figure Figure
et fais que la
poincte soict
longuette selon
que tu veulx
haulsser la
teste et quelle
soict poinctue
par les deulx
bouts Estant
ainsy posee
plante le
serpent sur
le plastre
de terre & y
dispose premi
erement la teste
puys le reste

at left middle margin

Leau de vye
de trois passes

at left middle margin

Si apres que
tu as pose ton
animal sur la
tourtelle dardille
tu est diverty
en quelque
ocupation Frotte
ton animal deau
de vye
& dessoubs
le ventre affin
quil ne se
seche & se
preigne a la
terre Figure Figure

at left bottom margin

Si quand tu
perses lanimal
il rend de leau
par bas du
coste du ventre
Sur la plastre
de terre nettoye
bien avecq du
cotton car le
sable qui y
toucheroit seroit
grumeleux si cest dessus lanimal
netoye le plus curieusement
et le touche
& mouille fort
deau de vye

Destremper le sable et mouler le premier
gect

Ayes une escuelle de terre plombee de telle grandeur quelle puisse contenir
le sable destrempe qui fera besoing de pour remplir ton moule tout a
un coup qui est mei mieulx qua deulx foys Pourceque si tu ne gectes
promptement la seconde destrempe Il y aura danger que pendant
que tu la præpares que la premiere ne fasse prise & sendurcisse

[continued]