[TOC] | [translation]

[continued]

de mouler, fais luy prendre par la gueule de bonne eau
de vye, ou bien mesle en un peu parmy le vinaigre. Et
bien tost il sera mort, sans lesion qui le difforme. Aulx
grands animaulx ausquels il fauldroit beaucoup d’eau
de vye, on employe le vinaigre et er urine. Mays aulx
petits, la seule d’eau de vye, qui est plus tost faict.
Quand ton animal sera mort, retire le & le nettoye bien
curieusement de ses vielles peaulx s’il mue, ou de crasse, ou de
pouls comme ont les lesards, puys l’aplique ainsy.

at left top margin

Or mects en suffisamment
dans un verre, & y
trempe & tiens continuellement
la teste de l’animal,
ou tout entier s’il n’est
gueres grand.

at left top margin

Advise, plustost
qu’il ne meure, de luy
faire tenir les
yeulx ouvers, lesuy
arrestant les paulpieres
avecq un peu de cire
ou aultre chose.

Mouler Fayre le plant et disposition
de l’animal

Ayant faict provision de terre grasse, appellée ardille,
qui soict grise pource que communement c’est la meilleure, ou
aultre qui aye bonne liaison & qui soict fort corroyé & battue
de telle sorte qu’elle soict maniable sans s’attaquer aulx
mains ne à l’ouvrage, fais une lazagne ou comme un torteau
de ceste terre, esgallement aplaty avecq un baston rond duquel
les pastissiers se servent, qui soict un peu plus espés que d’un poulce.
Et sur ceste tourtelle plante ton animal, aya imitant en
cela son naturel & fa la façon de laquelle communement il se
contourne. Et premierement avecq une bonne aiguille pique le
au milieu du dessoubs de la gorge & jusques àu l’os superieur
de la teste. Retire l’eguille & en sa place & son trou mects
une poincte de fil de fer de telle longueur qu’elle suffise à tenir
la teste de l’animal aussy qhaulte qu’il apartient, & si la peau
rentre au dedans & quand tu y mects la poincte, retire la avecq
lae poincte bout de tes petites molletes & la disposes comme elle estoit. Pousse
l’aultre bout de la poincte dans la tourtelle d’ardille. Ainsy
la teste se tiendra haulte, qui aura meilleur grace; & estant
asseurée, dispose aprés le geste du corps & des pates &
l’entortillement comme tu verras estre plus seant. Et affin qu’il soit
asseuré & ne varie poinct quand tu y gecteras le sable, mects
arreste les pates & le corp avecq de petites poinctes de fil de fer,
ayant premierement faict le premier trou avecq ton aiguille bien
poinctue. Fais le semblable en telles parties du corps qu’il te
semblera necessaire, plantant faisant que les poinctes passant
par l’animal se plantent dans la tourtelle de terre, non pas
si avant qu’elles n’excedent un peu le corps de l’animal par un

at left top margin

Aye une aiguille
d’acier fine & qui soit
la plus poinctue
qu’il te sera possible,
affin que d’icelle
faisant le premier
trou pour poser
les poinctes de fer,
elle passe sans
rien efforcer & par
sa rudesse n’enfonce
poinct ou retire la
peau. Aprés mects
y la poincte de fer
grossette au lieulx
espais & deliée aulx
lieulx deliés. Mays
advise pour secret
de ne planter pas
du premier coup ta
poincte passée dans
l’animal sur le plastre
de terre, pour mays
l’ayant plantée retire
la de la terre & non
de l’animal & fais
ains aprés fiche la.
Cela se faict pource que
en fichant la premiere
foys la poincte elle
enfonce la peau du
serpent, et en la retirant elle
remect la peau en son premier
estat.

at left bottom margin

Quand tu remects les pointes
qui ont servi, nettoye les bien de la rouille
affin qu’elles ne retirent la peau.

at bottom margin

La principalle disposition du plant est de di bien
poser la teste levée & regardant de costé. Et pour
cet effect perce sur quelque planche ou table solide
la teste, & faisant passer la poincte par dessoubs
de la gorge, s’arrestan entrant dans le test superieur, Figure

[continued]