Making and Knowing
A minimal edition of BnF Ms Fr 640

[TOC] | [translation]

- - - - - folio image: 112v - - - - -

[continued]

de mouler fais luy prendre par la gueule de bonne eau
de vye
ou bien mesle en un peu parmy le vinaigre Et
bien tost il sera mort sans lesion qui le difforme Aulx
grands animaulx ausquels il fauldroit beaucoup deau
de vye
on employe le vinaigre et er urine Mays aulx
petits la seule deau de vye qui est plus tost faict
Quand ton animal sera mort retire le & le nettoye bien
curieusement de ses vielles peaulx sil mue ou de crasse ou de
pouls comme ont les lesards puys laplique ainsy

at left top margin

Or mects en suffisamment
dans un verre & y
trempe & tiens continuellement
la teste de lanimal
Ou tout entier sil nest
gueres grand

at left top margin

Advise plustost
quil ne meure de luy
faire tenir les
yeulx ouvers lesuy
arrestant les paulpieres
avecq un peu de cire
ou aultre chose

MoulerFayre le plant et disposition
de lanimal

Ayant faict provision de terre grasse appellee ardille
qui soict grise pourceque communement cest la meilleure ou
aultre qui aye bonne liaison & qui soict fort corroye & battue
de telle sorte quelle soict maniable sans sattaquer aulx
mains ne a louvrage Fais une lazagne ou comme un torteau
de ceste terre esgallement aplaty avecq un baston rond duquel
les pastissiers se servent
qui soict un peu plus espes que dun poulce
Et sur ceste tourtelle plante ton animal aya imitant en
cela son naturel & fa la facon de laquelle communement il se
contourne Et premierement avecq une bonne aiguille pique le
au milieu du dessoubs de la gorge & jusque au los superieur
de la teste retire leguille & en sa place & son trou mays
une poincte de fil de fer de telle longueur quelle suffise a tenir
la teste de lanimal aussy qhaulte quil apartient & si la peau
rentre au dedans & quand tu y mects la poincte retire la avecq
lae poincte bout de tes petites molletes & la disposes comme elle estoit Pousse
laultre bout de la poincte dans la tourtelle dardille Ainsy
la teste se tiendra haulte qui aura meilleur grace & estant
asseuree Dispose apres le geste du corps & des pates &
lentortillement comme tu verras estre plus seant Et affin quil soit
asseure & ne varie poinct quand tu y gecteras le sable Mects
Arreste les pates & le corp avecq de petites poinctes de fil de fer
ayant premierement faict le premier trou avecq ton aiguille bien
poinctue Fais le semblable en telles parties du corps quil te
semblera necessaire plantant faisant que les poinctes passant
par lanimal se plantent dans la tourtelle de terre non pas
si avant quelles nexcedent un peu le corps de lanimal par un

at left top margin

Aye une aiguille
dacier fine
& qui soit
la plus poinctue
quil te sera possible
affin que dicelle
faisant le premier
trou pour poser
les poinctes de fer
elle passe sans
rien efforcer & par
sa rudesse nenfonce
poinct ou retire la
peau Apres mects
y la poincte de fer
grossette au lieulx
espais & deliee aulx
lieulx delies Mays
advise pour secret
de ne planter pas
du premier coup ta
poincte passee dans
lanimal sur la plastre
de terre pour mays
layant plantee retire
la de la terre & non
de lanimal & fais
ains
apres fiche la
Cela se faict pourceque
en fichant la premiere
foys la poincte elle
enfonce la peau du
serpent Et en la retirant elle
remect la peau en son premier
estat

at left bottom margin

Quand tu remects les pointes
qui ont servi nettoye les bien de la rouille
affin quelles ne retirent la peau

at bottom margin

La principalle disposition du plant est de di bien
poser la teste levee & regardant de coste Et pour
cet effect perce sur quelque planche ou table solide
la teste & faisant passer la poincte par dessoubs
de la gorge sarrestan entrant dans le test superieur Figure Figure

[continued]