112r - - - - - Pour destremper le sable
Il te fault avoir une grande conche pleine d’eau pour
q tramper les moules pour les ouvrir, ung broc
plein d’eau commune, une escuelle plombée pour destremper le
sable, une petite cueillere de boys pour ramasser
le sable destrempé dans l’escuelle. La grande conche est
pour tr
at left top margin
Pour mancher tes gros
pinceaulx à huile, si tu n’as
d’assés gros tuiaulx de plume,
prens en deulx & les fends & joints ensemble.
Figure at left top margin
Decoction des sables
Desja dicte.
Pour mouler en noyau
Mixtion du sable
Ayant recuict ton sable, sçavoir le plastre, l’alum de plume &
la brique, & les ayant bien subtilllement passés par le tamis #, mesles les en
ceste sorte, prens quattre parties de plastre, deulx de brique,
& une d’alum de plume. Mesles les tous ensemble avecq les mains,
qu’il de telle sorte qu’on ne puisse discerner l’ung d’avecq l’autre.
Ton sable prest, il te faut faire mourir l’animal que tu veulx
mouler deen ceste maniere.
at left middle margin
#
excepté l’alum de
plume qui se doibt
broyer dans le
mortier.
Fayre mourir l’animal à mouler
Il fault que tu ayes esté curieulx de ne le blesser poinct en le
prenant, et l’ayant mis dans une bouteille de verre d avecq du
son ou dans un barrique pleine demy pleine de terre fresche
& humide, si tu en as provision ou que tu les veuilles garder long
temps, que tu leur donnes des grenoilles vives & non mortes
pour manger, car si tu les gardes sans qu’ils se paissent,
ilz se flaitrissent & amaigrissent & ont de longues peaulx ridées.
Ainsy pour le mieulx tu le mouleras le plustost apres qu’il se sera
possible apre aprés qu’il aura esté prins. Mays plustost fais
le mourir en ceste sorte. Mects le dans une bouteille ou vaisseau
nect, affin qu’il ne se charge d’aulcune poulsiere. Et mects dedans
telle quantité de bon vinaigre & d’urine qu’il en puisse estre couvert.
Et remue le & le tourmente là dedans jusque a ce qu’il soict
mort, ce qui sera en une ou demye heure. Mays si tu est pressé
at left bottom margin
Pour sçavoir
s’il est bien mort,
tire le du vinaigre
et le prens par la
queue. S’il la
remue ne le moule
pas, car il ha
encores sentiment
& en le piquant
il se retireroit
& gasteroit le
moule.
at left bottom margin
Les serpents d’eau
mordent gueres.
[continued]