112r - - - - - Pour destremper le sable
Il te fault avoir une grande conche pleine deau pour
q tramper les moules pour les ouvrir Ung broc
plein deau commune Une escuelle plombee pour destremper le
sable Une petite cueillere de boys pour ramasser
le sable destrempe dans lescuelle La grande conche est
pour tr
at left top margin
pour mancher tes gros
pinceaulx a huile si tu nas
dasses gros tuiaulx de plume
prens en deulx & les fends & joints ensemble
Figure at left top margin
Decoction des sables
Desja dicte
Pour mouler en noyau
Mixtion du sable
Ayant recuict ton sable scavoir le plastre lalum de plume &
la brique & les ayant bien subtilllement passes par le tamis # Mesles les en
ceste sorte Prens quattre parties de plastre deulx de brique
& une dalum de plume Mesles les tous ensemble avecq les mains
quil de telle sorte quon ne puisse discerner lung davecq lautre
ton sable prest il te faut faire mourir lanimal que tu veulx
mouler deen ceste maniere
at left middle margin
#
excepte lalum de
plume qui se doibt
broyer dans le
mortier
Fayre mourir lanimal a mouler
Il fault que tu ayes este curieulx de ne le blesser poinct en le
prenant et layant mis dans une bouteille de verre d avecq du
son ou dans un barrique pleine demy pleine de terre fresche
& humide si tu en as provision ou que tu les veuilles garder long
temps Que tu leur donnes des grenoilles vives & non mortes
pour manger Car si tu les gardes sans quils se paissent
ilz se flaitrissent & amaigrissent & ont de longues peaulx ridees
Ainsy pour le mieulx tu le mouleras le plustost apres quil se sera
possible apre apres quil aura este prins Mays plustost fais
le mourir en ceste sorte Mects le dans une bouteille ou vaisseau
nect affin quil ne se charge daulcune poulsiere Et mects dedans
telle quantite de bon vinaigre & durine quil en puisse estre couvert
Et remue le & le tourmente la dedans jusques a ce quil soict
mort ce qui sera en une ou demye heure Mays si tu est presse
at left bottom margin
Pour scavoir
sil est bien mort
tire le du vinaigre
et le prens par la
queue sil la
remue ne le moule
pas car il ha
encores sentiment
& en le piquant
il se retireroit
& gasteroit le
moule
at left bottom margin
Les serpents deau
mordent gueres
[continued]