111v - - - - - Eeau de sel armoniac
Il suffist la grosseur de deulx chastaignes de sel
armoniac pulverisé dans un pot d’eau, et qu’à la langue
tu trouve l’eau mediocrement salée, car trop n’est pas bon.
Sanguine
Pour nettoyer les diverses couleurs du plomb & de l’estaim,
on pulverise de la sanguine, & avecq des sayes on en frotte le’ouvrage
moulé.
Chancre et escrevisse
Ce sont des plus difficilles à mouler, & qui les moule bien
en moulera bien d’aultres choses fort subtilles.
Lesards
Quand on les prend avecq les deulx doigts par les costés de
la teste au droict des oreilles, on luy faict ouvrir la g gueule,
puys on luy prend lae bout de la mandibulle basse avecq le bout de l’ongle, & aprés de celle
de dessus il serre l’ongle mays il ne la peult pas passer, mays
il serre bien fort. Et s’il mordoit la chair vive il ne sçauroit
au laisser la prise, & n’y auroit meilleur remede que de luy
couper promptement la teste. Au printemps, comme ilz ont changé de
peau, ilz sont plus beaus.
at left middle margin
Les petits lesards qu’on prend l’esté de la grandeur de petites lesardes, gris sur le
dos & vers par dessoubs, sont
fort propres pour gecter en argent
& or ou aultre
metal, pource qu’ilz
ont l’escaille plus rude que les lesardes
& se monstrent mieulx.
at left middle margin
comme une tenaille
Composition de sable
Tout estant recuit comme il est dit cy dessus, prens
quatre 4 pleins crusols de plastre, deulx 2 de brique,
& un d’alum de plume. Ne passe pas par le tamis pour
mesler, may pource que l’alum ne passeroit pas.
Mesle avecq les mains, jusques que l’un ne l’autre,
ne blanc ne rouge, ne se cognoisse parmy l’autre.
Si ton plastre n’estoit fort n’y mesle pas du tout tant de alum
de plume, car il attendrist les moules. Advise bien aussy que
ton sable ne soict pas chault (comme il est incontinent qu’il a esté
recuit) C quand tu le vouldras destremper d’eau, car cela les
faict les moules trop tendres & rompans.
at left bottom margin
Tu peulx bien
quelques fois diminuer
la quantité du plastre
si tu ne le trouves asser
fort pour resister au
foeu & s’il se fend,
& affin que la partie
des tuiles pilées
soubstienne, avecq l’alum
de plume que tu
pourras augmenter
aussy affin qu’il
fasse meilleure
liaison.