111v - - - - - Eeau de sel armoniac
Il suffist la grosseur de deulx chastaignes de sel
armoniac pulverise dans un pot deau Et qua la langue
tu trouve leau mediocrement salee Car trop nest pas bon
Sanguine
Pour nettoyer les diverses couleurs du plomb & de lestaim
on pulverise de la sanguine & avecq des sayes on en frotte leouvrage
moule
Chancre et escrevisse
Ce sont des plus difficilles a mouler & qui les moule bien
en moulera bien daultres choses fort subtilles
Lesards
Quand on les prend avecq les deulx doigts par les costes de
la teste au droict des oreilles on luy faict ouvrir la g gueule
puys on luy prend le bout de la mandibulle basse avecq le bout de longle & apres de celle
de dessus il serre longle mays il ne la peult pas passer mays
il serre bien fort Et sil mordoit la chair vive il ne scauroit
au laisser la prise & ny auroit meilleur remede que de luy
couper promptement la teste Au printemps comme ilz ont change de
peau ilz sont plus beaus
at left middle margin
Les petits lesards quon prend leste de la grandeur de petites lesardes gris sur le
dos & vers par dessoubs sont
fort propres pour gecter en argent
& or ou aultre
metal pourcequilz
ont lescaille plus rude que les lesardes
& se monstrent mieulx
at left middle margin
Comme un tenaille
Composition de sable
Tout estant recuit comme il est dit cy dessus Prens
quattre 4 pleins crusols de plastre deulx 2 de brique
& un dalum de plume Ne passe pas par le tamis pour
mesler May pourceque lalum ne passeroit pas
Mesle avecq les mains jusques que lun ne lautre
ne blanc ne rouge ne se cognoisse parmy lautre
Si ton plastre nestoit fort ny mesle pas du tout tant de alum
de plume Car il attendrist les moules Advise bien aussy que
ton sable ne soict pas chault (comme il est incontinent quil a este
recuit) C quand tu le vouldras destremper deau Car cela les
faict les moules trop tendres & rompans
at left bottom margin
Tu peulx bien
quelques fois diminuer
la quantite du plastre
si tu ne le trouves asser
fort pour resister au
foeu & sil se fend
&Affin que la partie
des tuiles pilees
soubstienne avecq lalum
de plume que tu
pourras augmenter
aussy affin quil
fasse meilleure
liaison