111r - - - - - Recuire les moules
Volontiers les chassis se deseichent & non recuisent
car recuire est proprement faire pour la seconde fois rougir
& enflamber au foeu les moules Et deseicher est laisser
seicher les moules deulx mesmes Ou leur faire evaporer leur
humidite les presentant devant foeu de flamme ou de charbon
Volontiers les moules de noyau se recuisent & les moules
de chassis se deseichent
Fumee de letton
Il est bon dy recuire les moules a gecter letton car ceste gcrasse
jaulne qui semble neantmoins remplir les moules fait gecter
fort net comme estant de mesme nature
Pour le cuivre rouge
Quand il est fondu il est bon dy gecter un peu destaing fin car
cela le faict courir
Terre ardille
Ceste cy humectee & bien battue & pestrie comme tu scais test
necessaire pour faire le contour pour contenir tes moules
Mays advise quelle ne soit pas trop molle Ains comme a demy
seiche quielle ne sattaque point aulx mains pour ce que autrement
elle sattaqueroit a la besoigne Tiens la tousjours en
lieu humide et fais y des trous et les emplys deau pour la tenir
fraische
at left middle margin
La grise est meilleure qui ne se fend point
at left middle margin
Elle est plus propre que lame de plomb
at left middle margin
Figure
Fil de fer
Il ten fault avoyr aussy provision de diverses grosseurs
selon les moules que tu veulx faire de gros comme ffisselle de moing
& du delie p comme grosse corde despinette pour les petits ouvrages
Tu en fais estant de recuit des crampons pour fermer les
moules & des poinctes comme aiguilles de diverses longueurs selon
ton besoing pour piquer sur lanimal a mouler & le tenir subgect
Les aiguilles ny seroient pas bonnes pource quil fault que ses
poinctes soient vuides & de mesme grosseur par tout si ce nest a
la poincte Et puys il les fault faire longues comme tu en as
affaire Le fil de fer est plus ferme que celuy de letton