110v - - - - - [continued]
Quand il ha mange quelque chose en le tourmentant
il le rend Et si apres avoir mange quelque chose il
est ainsy presse soubs le pied cela le travaille fort
& luy faict mal Sil est blesse il ne mange pas
volontiers
Moules
Il ny a rien mieulx pour les faire ouvrir que de les
oindre dhuile dolif & non daultre Et apres quand
tu les veulx desjoindre Trempe les dans de leau
froide qui est le secret LEt tu verras que lhuile encores
quil semble estre imbu Se retirera a part comme une grasse
Les moules se rendent plus fortes dans leau froide Et
leau chaulde malaisement les dissouldroit Encores questants
recuits ilz soient plus maniables & aises a dissouldre
dans leau
Huile de froment
Se faict sur une lame de fer rougie au foeu Et lhuile en
degoute qui est propre pour oindre le poil d’un papillon ou aultre
semblable Car cet huile est incontinent sec & faict deseicher
le reste Il fault que le poil ou lanuge de quelque animal
que tu veulx mouler soict couche car estant debout il feroit
relever le sable & soufler
at left middle margin
#
Si tu veulx mouler
quelque chose delicate
comme une fleur de
pensee Aulcuns
pour luy donner un
peu despesseur
plus que le naturel
Aulcuns la frottent
de beurre Mays il
est mieulx de loingdre
dhuile de froment
car il nha pas de corps
& ne bouche pas
tant les petits
lineaments Et
si faict affermir
la fleur
Gect de plomb et estaim
Pourceque lestaim veult estre gecte fort tanvre Si ta medaille
herbe ou aultre chose a mouler est espe tanvre & subtile fais quil
y aye plus destaim beaucoup plus que de plomb Scavoir moins
que la quarte partie de plomb sur trois destaim Et encores ne
mect on le plomb que pour lalier Au contraire si tu veulx
mouler quelque chose forte & espesse Mays beaucoup plus
de plomb que destaim Et en lun & laultre tu peulx mectre
un peu destaim de glace mays fort peu avecq un peu de rousine
quand tu vouldras gecter Despuys en moulant de plomb fin et
noeuf jay mis sur une lb deulx onces destaim fin Et moulant
destaim fin jy ay mis ii ℥ de plomb fin pour lbJay faict des
herbes & serpents comme le naturel
at left bottom margin
S
at left bottom margin
Jay gecte lestaim
presque rouge
et le plomb de
mesme qui touteffois
navoict pas trop
demeure au foeu
car il sy aigrist
et calcine