Making and Knowing
A minimal edition of BnF Ms Fr 640

[TOC] | [translation]

- - - - - folio image: 109v - - - - -

[continued]

quand ilz veulent mordre ou manger quelque chose ilz ne le
mordent pas de droicte attaque ains par sinueulx retournement
& de travers comme faict sathan & ses suposts Il ha la teste
petite mays le corps fort grand Lentree du peche semble
estre petite & de peu de consequence Mays la suicte en est
fort grande il sabstient de manger sept ou huict jours si
une fois il ha devore quelque grenoille il en avalle bien
trois ou quattre lune apres laultre Et ce quil ha devore
ne se corrompt & consume pas tout a un coup dans son estomach
Mays p quelque partie peu a peu scavoir os et tout Et le
reste se trouve aussy frais comme quand il ha devore de
sorte que quelque fois quon le presse & tourmente il rend
ce quil ha englouty qui en partye se trouve tout consume
& laultre aussy frais comme sil estoit vif il tient bien
deulx ou trois heures une grenoille engloutie & la rend
toute vive

Crapault

Si par cas fortuit tu voulois mouler ce vilain animal
& quil pissast en ta main cela te feroict cuire & prurir
la main comme si tu avoys manie des orties Mays le
plus souverain remede pour cela est de metre la main
dans de la terre fresche &len couvrir comme si tu
la voulois ensepvelir La grenoille nest pas si belle
moulee a cause quelle ha la peau vive & laultre lha grumeleuse

at left middle margin

Tu le peulx
mouler creulx et
luy laissant soubs
le ventre une coche
ouverte tu le feras
saulter avecq le cordon
retors de la sye

Ou bien sil est
petit mects le sur
une pierre syderite
de sa grandeur taillee
tanvre puys le mects
en bon vinaigre

at right middle margin

Quand il est grand il se fault mouler creux & si tu
luy veulx fayre la gueule ouverte mects du cotton dedans
& puys sur le cotton de la
cire fondue

Fayre mourir serpents pour mouler

Aulcuns leur mectent une goutte deau fort dans la gueule
ce qui les hebete bien de sorte que la teste & la partie
anterieure semble estre morte Mays la gueule demeure
vive Et comme tu la piques avec lespingle pour lacommoder
au molle elle se remue & gaste & deffaict tout donc pour
les faire mourir toutallement Mects les dans une bouteille
dans de bon vinaigre & un peu deau de vye Et fays
ainsi des lezards & aultres bestes semblables

at left bottom margin

Si tu les veulx
garder tu les peulx
mectre Dans une
pipe pleine de terre
en un jardin A lair
Mays il fault que
la pippe soict
couverte de fil darchal
Car aultrement ilz
grimperoient & monteroient
fort hault