109r - - - - - Esbaucher en cire
Quand la cire est trop dure on y mesle de la tourmentine ou
un peu de beurre qui sont pl rend la cire plus amiable Et est
plus propre que le suif que les Italiens y mectent a cause quil
fault souvent mectre les houtils en la bouche qui sont meilleurs
de buys ou dos de cerf
Cire a mouler —
Comme la cire est fondue ilz ont du soufre fondu dans
une cuillere ou crusol & en versent dans la cire fondue Et
le soufre allant au fonds ou demeurant par dessus il laisse
& mesle seulement sa substance parmy la cire & la rend plus
fusible en leschaufant desorte que layant moulee elle se
fond dans le moule doulcement comme beurre sans y laisser aulcune
pustule ou bouillon Sois aussy adverty de ne luy donner pas
trop grand foeu.
at left top margin
Si
Mouler cire
Affin que ton moule grippe sans refuser en aulcun lieu sur
une forme ou image de cire Il te la fault oindre dhuile
Et destremper ton sable avecq de leau tiede Car leau froide
refuseroit dadvantage lhuile & ne feroit pas bonne assiete
sur icelle
at left middle margin
Oings fort fort
legerement dhuile
si peu que quasi
il ne paroisse
point puys
frotte deau de vye
Apres destrempe
ton sable deau
tiede affin quil
ne refuse pas
lhuile
Souflets de la forge
Il est mieulx que par le portevent ils soient enchasses dans quelque
bout de membreure q car ilz en sont plus asseures apres tu les
peuls legerement asseurer par hault Il fault que les tuelles soient
4 doigts sur la sole de la forge
Serpents a mouler
Quand tu les prends pour mouler sil est possible ne leur oste point
les dents si tu as envye de les garder Car ayant les dents ostees
il leur vient mal aulx gencives & en la gueule & ne peuvent plus
manger Tu les peulx garder dans une barrique pleine de son
ou pour mieulx de terre en lieu frais ou dans une bouteille de
verre Et leur donner quelque grenoille vive ou aultre animal
vif car ilz ne mangent rien de mort Aussy ay je remarque que
[continued]