108v - - - - - [continued]
ainsy on le destrempe & on le reduict en pbalottes, le repurgeant
des immundicités. Puys on le mect cuire nettement dans un pot vaisseau de terre
dans la fornaise de ceulx qui font des pots et on l’y laisse
jusques à ce que les pots soient cuits. Aprés on le destrempe
encores avecq l’eau de sel armoniac & on le broye bien fort
et on vuide l’eau trouble & nette dans un vaisseau à part.
Derechef on remect de la mesme eau dessus & on broye,
& remet on l’eau trouble avecq l’aultre. Et on fait ainsy
jusques à ce qu’il aye tout passé. En ceste sorte on le
purge & mundifie, & le rend on fort subtil & maniable.
Ayant retiré leau par inclination ou avecq une esponge,
on prend la residence et on la faict seicher. Puys
l’humectant de la susdicte eau comme on faict l’aultre eau
sable, on l’employe en chassis, où s’il se retire, c’est signe
qu’il n’est pas assés recuit & qu’il le fault recuire
dadvantaige. Cestuy cy est propre pour mouler tous
metaulx, et speciallement l’or & l’argent, et tant plus
il est employé, il est meilleur. Il fault mectre à part
celuy auquel tu gectes du plomb ou estaim, car il
aigriroit l’or que tu y gecterois.
Alum de plume se doibt recuire dans un chaulderon creusol couvert dune tuile
à bon feu de flamme charbons, affin que l’immundice qui pourroit
y estre se brusle avecq luy, qui ne se brusle point. Cela
se fait ou dans la forge des orfevres, dans un countour de
briques, ou dans un fourneau à vent à foeu de fusion, de sorte
que le sable demeure asses long temps creusel demeure un quart dheure rouge. Cela se faict
plus pour le mundifier que pour aultre chose. Il vient par dessus
roussastre, & par dedans il demeure blanc & est mieulx deseiché #
at left middle margin
#
Aprés que ton alum de
plume est refroidy, pile
le dans un mortier puys
le subtilie sur le mabre,
et il se rendra en fort
subtils filaments
lanugineulx, qui donnent
liaison au sable sans se
brusler comme font
toutes aultres choses,
qui est une belle
invention. Pile le dans
le mortier en trainant
le pilon, car la poul—
siere volante te pourroit
entrer au colet ou
se poser sur ton visage,
qui te donneroit
occasion de te bien
grater. Mects en
peu à chasque foys
dans le mortier, pour
eviter la poulsiere
volante. Il est mieulx
de le broyer ainsy au mortier, en trainant le pilon, que sur le mabre, car là c où il s’espand, & au
mortier il se ramasse de tous costés. Rends le fort subtil & douls au toucher.
L’ardille, pour fayre les cercles aultour des moules,
doibt estre fort grasse & maniable, et ne sert qu’à fayre
le contour des moules. Ainsy il la fault seulement choisir
bien grasse, et la battre bien fort & la destremper mediocrement
avecq de l’eau & la tenir dans une fosse ou terrine, et
y faire force trous avecq un baston, lesquels s’emplissent
d’eau, pour la tenir tousjours fresche & molle, affin qu’elle
soict tousjours preste à employer à ton besoing.
[continued]