Making and Knowing
A minimal edition of BnF Ms Fr 640

[TOC] | [translation]

- - - - - folio image: 108v - - - - -

[continued]

ainsy on le destrempe & on le reduict en pbalottes le repurgeant
des immundicites Puys on le mect cuire nettement dans un pot vaisseau de terre
dans la fornaise de ceulx qui font des pots et on ly laisse
jusques a ce que les pots soient cuits Apres on le destrempe
encores avec leau de sel armoniac & on le broye bien fort
et on vuide leau trouble & nette dans un vaisseau a part
Derechef on remect de la mesme eau dessus & on broye
& remet on leau trouble avecq laultre Et on fait ainsy
jusques a ce quil aye tout passe En ceste sorte on le
purge & mundifie & le rend on fort subtil & maniable
Ayant retire leau par inclination ou avecq une esponge
on prend la residence et on la faict seicher puys
lhumectant de la susdicte eau comme on faict laultre eau
sable on lemploye en chassis Ou sil se retire cest signe
quil nest pas asses recuit & quil le fault recuire
dadvantaige Cestuy cy est propre pour mouler tous
metaulx Et speciallement lor & largent et tant plus
il est employe il est meilleur Il fault mectre a part
celuy auquel tu gectes du plomb ou estaim car il
aigriroit lor que tu y gecterois

Alum de plume se doibt recuire dans un chaulderon creusol couvert dune tuile
a bon feu de flamme charbons affin que limmundice qui pourroit
y estre se brusle avec luy qui ne se brusle point Cela
ce fait ou dans la forge des orfevres dans un countour de
briques
ou dans un fourneau a vent a foeu de fusion de sorte
que le sable demeure asses long temps creusel demeure un quart dheure rouge cela se faict
plus pour le mundifier que pour aultre chose il vient par dessus
roussastre & par dedans il demeure blanc & est mieulx deseiche #

at left middle margin

#
Apres que ton alum de
plume
est refroidy pile
le dans un mortier puys
le subtilie sur le mabre
Et il se rendra en fort
subtils filaments
lanugineulx qui donnent
liaison au sable sans se
brusler comme font
toutes aultres choses
qui est une belle
invenction Pile le dans
le mortier en trainant
le pilon Car la poul
siere volante te pourroit
entrer au colet ou
se poser sur ton visage
qui te donneroit
occasion de te bien
grater
Mects en
peu a chasque foye
dans le mortier pour
eviter la poulsiere
volante Il est mieulx
de le broyer ainsy au mortier en trainant le pilon que sur le mabre car la c ou il sespand & au
mortier il se ramasse de tous costes Rends le fort subtil & douls au toucher

Lardille pour fayre les cercles aultour des moules
doibt estre fort grasse & maniable Et ne sert qua fayre
le contour des moules Ainsy il la fault seulement choisir
bien grasse Et la battre bien fort & la destremper mediocrement
avecq de leau & la tenir dans une fosse ou terrine Et
y faire force trous avecq un baston lesquels semplissent
deau pour la tenir tousjours fresche & molle Affin quelle
soict tousjours preste a employer a ton besoing

[continued]