107v - - - - - [continued]
Les moules ne servent qu’une foys pource qu’es choses
delicates, comme l’absinthe & aultres, ilz les fault rompre,
mays plustost il les fault bien tremper en eau,
dans laquelle les choses deulx foys recuites se dissolvent
aysement. Aultrement tu ne pourroys f pas aysement despouiller
ton ouvrage sans danger de le gaster.
Le bon alum de plume est blanc et a lustre comme de soye c
blanche. Il est en longues pieces comme le doigt & fort frangible &
lanugineulx comme duvet. Celuy qui est en pierre est plus dur & moings bon.
Il Le meilleur de la qualité susdicte s’aporte en France du costé de
Rouan. L’alum de plume pour nostre sable se pile dans un
mortier puys se subtilie dadvantage sur le mabre, d’aultant
qu’il ne fault penser de le subtilier par le tamis, car il est si
gras & lanugineulx qu’il n’y passeroit pas. C’est luy, par ses
petits filaments mollets qui & tres subtils, qui donne liaison au
sable, d’une façon bien plus excellente que la tondure parmy
la terre bourre des fondeurs de grands ouvraiges, car ceste
tondure & bourre se brusle et l’alum de plume ne resiste au foeu.
Pour entourner les moules quand tu em jectes dessus les choses à
mouler ton sable liquide, fais ton un cercle & entour de terre grasse
fort battue.
@Archanum omnibus fere reconditum est in re fusoria,
videlicet res exprimenda formis, sive herba sit sive animal
ut lucerta, in af inting inmergatur primum in vini spiritum
aprime rectificatam, deinde pulvere composito aspergatur
sive illinatur (si pulvis in formam pultis redactus sit, ut
assolet).
Quand tu veulx mouler creux, il fault que le noyau soict
de mesme matiere. Et si le serpent ou animal est recourbé
ou replié, il fault fayre le noyau de plusieurs pieces.
Essaye si le vinaigre distillé sera propre
pour manger & dissouldre ce qui sera dans l’animal
moulé creux.
at left middle margin
Si tu cognois que
ton plastre ne
soict pas parfaictement
fort pour soubstenir
le foeu sans se
fendre, ne soicts
pas si curieulx
observateur de la
mixtion icy mise
que quelque foys
vous n’y mecties
diminués la
quantité d’alum
de plume lde quelque
peu, car il
amollist les
moules par sa
doulceur. Estant
recuit, ne le pulverise
pas en ceste ocasion
si subtil comme dict est,
mays laisse le
comme les apotiquaires
l’ont subtilié, car
il n’empesche point
la netteté du gect
& donne plus de
liaison. Quand
le sable moule estant,
ayant faict prise,
retient la couleur
de brique et est
rouget, il en est plus
ferme.