Making and Knowing
A minimal edition of BnF Ms Fr 640

[TOC] | [translation]

- - - - - folio image: 107v - - - - -

[continued]

Les moules ne servent quune foys pourceques choses
delicates comme labsinthe & aultres ilz les fault rompre
Mays plustost il les fault les bien tremper en eau
dans laquelle les choses deulx foys recuites se dissolvent
aysement Aultrement tu ne pourroys f pas aysement despouiller
ton ouvrage sans danger de le gaster

Le bon alum de plume est blanc et a lustre comme de soye c
blanche
il est en longues pieces comme le doigt & fort frangible &
lanugineulx comme duvet Celuy qui est en pierre est plus dur & moings bon
Il Le meilleur de la qualite susdicte saporte en france du coste de
rouan Lalum de plume pour nostre sable se pile dans un
mortier puys se subtilie dadvantage sur le mabre Daultant
quil ne fault penser de le subtilier par le tamis Car il est si
gras & lanugineulx quil ny passeroit pas Cest luy par ses
petits filaments mollets qui & tres subtils qui donne liaison au
sable dune facon bien plus excellente que la tondure parmy
la terre bourre des fondeurs de grands ouvraiges Car ceste
tondure & bourre se brusle et lalum de plume ne resiste au foeu

Pour entourner les moules quand tu em jectes dessus les choses a
mouler ton sable liquide fais ton un cercle & entour de terre grasse
fort battue

@Archanum omnibus fere reconditum est in re fusoria
videlicet res exprimenda formis sive herba sit sive animal
ut lucerta in af inting inmergatur primum in vini spiritum
aprime rectificatum, deinde pulvere composito aspergatur
sive illinatur (si pulvis in formam pultis redactus sit ut
assolet

Quand tu veulx mouler creux il fault que le noyau soict
de mesme matiere Et si le serpent ou animal est recourbe
ou replie Il fault fayre le noyau de plusieurs pieces

Essaye si le vinaigre distille sera propre
pour manger & dissouldre ce qui sera dans lanimal
moule creux

at left middle margin

Si tu cognois que
ton plastre ne
soict pas parfaictement
fort pour soubstenir
le foeu sans se
fendre Ne soicts
pas si curieulx
observateur de la
mixtion icy mise
que quelque foys
vous ny mecties
diminues la
quantite dalum
de plume
lde quelque
peu Car il
amollist les
moules par sa
doulceur Estant
recuit ne le pulverise
pas en ceste ocasion
si subtil comme dict est
Mays laisse le
comme les apotiquaires
lont subtilie Car
il nempesche point
la nettete du gect
& donne plus de
liaison Quand
le sable moule estant
ayant faict prise
retient la couleur
de brique et est
rouget il en est plus
ferme