107r - - - - - [continued]
at left top margin
Figure
pesant comme auparavant
et comme paste mediocrement
espesse & qu’il ne se trouve
si aysé à manier, &,
comme quand il est
liquide, c’est
signe qu’il est
assés cuit, ce que
tu cognoistras
quand il gecte
aussy de longs
bouillons ou
exhalations au
milieu & aultour,
longues comme le
doigt. Le voyant
en cest estat, tire le
du foeu car il est
assés recuit,
pource que si
tu le recuisois
dadvantage, il
le seroit trop &
n’auroit pas tant
de prise. Car
quand il vient
rouge & passe
sa cuite, il perd
sa force & gaste
le sable. Laisse
le froidir plustot
que le mesler
parmy les
aultres sables.
Et comme il est
froid, mesle et
moule, car tant
plustost tu l’employeras
aprés sa cuite,
tant plustost il
faict prise.
Pour prendre lezards
et serpents
Prens une verge et attache au bout un filet qui aye ung noeud oeillet oeillet
courant au bout. Et estant deulx ou trois pour amuser en
siflant le lezard, aproche luy du col l’oeillet, et comme il aura
la teste dedans, tire. Le lezard est plus fascheux a prendre à la main
que le serpend, & mort sans laisser & sarre comme une tenaille.
Les serpents se peuvent prendre avecq la main, pourveu qu’elle
soit couverte d’un gros drap de laine, car les dents du serpent
demeurent dans le drap & ne le peuvent transpercer comme ilz feroient
bien un linge. Les dangereulx se cognoissent aulx yeulx bleus &
asses aseures azures. Il ne mordent gueres dans l’eau, ce qu’experimentent
les preneurs d’escrevisses.
La mixtion du sable est de deulx parties de plastre
pulverisé & recuit, comme dict est, & d’une partie de tuile rougie
et p pre a bon foeu aprés la premiere cuicte & puys subtillement pulverisée,
et de alum de plume, la moictié de la brique, sçavoir deulx
pleins creusets de plastre, un de brique & un demy d’alum de plume.
L’alum de plume n’y peult estre trop, s car c’est luy qui donne
liaison au sable, et pource qu’il ne se brusle point, il faict
que le sable soubstient le foeu sans se fendre & crever. Aultrement,
sans luy, le sable ne soubstiendroict poinct. Ce sable ainsy composé
est propre pour tous metaulx, mays si tu le veulx employer
pour l’or, il y fault plus d’alum de plume & que la composition
susdicte, et y mesler du crocum ferri, car c’est cestuy là qui
attire l’or.
Il fault que tout sable de quoy tu veulx bien gecter soubstienne
bien le foeu, c’est à scavoir qu’il soubstienne abon c une grande
ignition sans se gaster.
L’alum de plume est malaisé à piler, et ne passe poinct par
le tamis. Par ainsy il le fault subtilier sur le mabre.
Et celuy, blanc que v en pouldre, que vendent les apotiquaires
est bon. Il se subtilie mieulx su dans le mortier en pilant &
trainant le pinon, ainsy tu le rendras fort subtil.
Le crocum ferry doibt estre embrasé dans la fournaise
des verriers quattre jours.