106v - - - - - Gecter en or
Pour gecter d’or, il f le crocum ferri est necessaire , & plus d’alum
de plume qu’en la mixtion suivante. La mixtion d’alum de plume ne peult rien
gaster. Il fault que le moule soict rouge & le serrer promptement avec des presses
de fer.
L’escaille des chancres & escrevisses sont malaisées à brusler
& y a propre façon pour les mouler.
Les rats & oyseaulx se moulent, et les pieds sont
malaisés de retirer estant bruslés, pource qu’ilz sont petits
& deliés. Les corps se retirent plus aisement du moule.
Les pieds se gectent à plusieurs foys pieces.
Tuiles
at right middle margin
@ Celles des maisons qui sont de terre
aulcunement areneuse semblent tenir plus
au foeu.
Les tuilles de quoy on couvre les maisons, des plus dures
& plus fermes et repurgées de pierres & gros gravier,
se prenent pour p mesler parmy le sable Et à mouler.
Mays plustost il les fault recuire jusques à ce qu’elles
ayent esté une heure ou deux bien rouges, & les piler &
passer subtillement par le tamis.
Les petites tortues estant sorties de l’oeuf sont bien
gentilles à mouler.
Si le plastre est meslé de quelque poulssiere ou n’est du fort, il se creve au
foeu & faict faire des baves.
Le plastre, comme dict est, le plus dur est le meilleur estant en
pierre, prens le doncq tout cru en telle sorte. Pile le bien plus
subtillement qu’il te sera possible, et le passe par le plus
delié tamis ou manche que tu pourras. Estant ainsy pb
subtil, mects le en bonne quantité dans un chauldron ou poelonne sur foeu de
flamme, & comme il commancera à s’eschaufer, remue toujours, et de
poesant & grossier qu’il est, il deviendra si leger & si maniable
qu’il te semblera n’avoyr non plus d’empeschement à le manier remuer que
si c’estoit de l’eau. Continue à le mouvoir tousjours jusques à ce
qu’il retourne encores poesant & grave, et lors c’est signe qu’il
est cuict. Mays ne le recuits point, que ta brique, alum de plume de plume
ne soient recuits & que les cercles d’ardille ne soient faicts. Car il fault que ce
soict le dernier recuit, & quand tout le reste est prest, car le moings que le plastre #
at left bottom margin
# demeure recuit & plus
le plus soubdain qu’il est
mis en œuvre, c’est le
meilleur, car il faict
plustost prise. Il ne le
fault recuire sinon
quand tu vouldras
mouler. Et pour le
recuire, mects le en
pouldre subtile
tout cru dans un
chauderon sur cendre flamme claire, & ne la donne pas trop à coup ne trop vehemente.
Remue tousjours avecq un long baston pour eviter la vapeur, le tournant aultour du chaulderon,
& au milieu en forme de 8. Au commancement tu le trouveras pesant difficile à remuer, à cause que
c’est plein d’humidité. Comme il s’eschaufera, il commancera à jecter comme quelques bouillons
au bord du chaulderon. Et en fin viendra comme liquide & comme farinée & brenée & bouillante
au milieu. Continue tousjours de remuer jusques à ce que tu cognoisses qu’il reviene pesant Figure
L’alum de plume est celuy qui donne bonne liaison au sable.
Le crocum ferri est propre pour l’or. C’est celuy qui estant
meslé parmy le sable le recoit & le contient en sa chaleur.
at left top margin
at left top margin
Plastre
Quant tu l’as en
pierre, choisis les
plus durs morceaulx
et qui ne s’esmient
point aisement avecq
l’ongle et nettoye le
bien de pouldre &
ordure plustost que
le piler.
at left middle margin
Le plastre
seul ne soubstient
pas le foeu ains
se rompt en
lopins.
at left middle margin
Le plastre recuit,
se ga comme dit est icy,
se garde bien un
@ moys ou deulx
bien serré en lieu
sec, si ce n’est en
temps de pluye.
Mays estant frais,
il est plus excellent
pour ouvrage
exquis.
at left middle margin
Il fault qu’il
soubstienne le foeu
& se rougisse
comme un charbon
allumé.
[continued]