106v - - - - - Gecter en or
Pour gecter dor il f le crocum ferri est necessaire &plus dalum
de plume quen la mixtion suivante la mixtion dalum de plume ne peult rien
gaster Il fault que le moule soict rouge & le serrer promptement avec des presses
de fer
Lescaille des chancres & escrevisses sont malaisees a brusler
& y a propre facon pour les mouler
Les rats & oyseaulx se moulent Et les pieds sont
malaises de retirer estant brusles pourcequilz sont petits
& delies Les corps se retirent plus aisement du moule
Les pieds se gectent a plusieurs foys pieces
Tuiles
at right middle margin
@celles des maisons qui sont de terre
aulcunement areneuse semblent tenir plus
au foeu
Les tuilles de quoy on couvre les maisons des plus dures
& plus fermes et repurgees de pierres & gros gravier
se prenent pour p mesler parmy le sable Et a mouler
Mays plustost il les fault recuire jusques a ce quelles
ayent este une heure ou deux bien rouges & les piler &
passer subtillement par le tamis
Les petites tortues estant sorties de loeuf sont bien
gentilles a mouler
Si le plastre est mesle de quelque poulssiere ou nest du fort il se creve au
foeu & faict faire des baves
Le plastre comme dict est le plus dur est le meilleur estant en
pierre prens le doncq tout cru en telle sorte Pile le bien plus
subtillement quil te sera possible Et le passe par le plus
delie tamis ou manche que tu pourras Estant ainsy pbien
subtil mects le en bonne quantite dans un chauldron ou poelonne sur foeu de
flamme & comme il commancera a seschaufer remue toujours Et de
poesant & grossier quil est Il deviendra si leger & si maniable
quil te semblera navoyr non plus dempeschement a le manier remuer que
si cestoit de leau continue a le mouvoir tousjours jusques a ce
quil retourne encores poesant & grave Et lors cest signe quil
est cuict Mays ne le recuits point que ta brique alum de plume de plume
ne soient recuits & que les cercles dardille ne soient faicts Car il fault que ce
soict le dernier recuit & quand tout le reste est prest Car le moings que le plastre #
at left bottom margin
# demeure recuit & plus
le plus soubdain quil est
mis en œuvre cest le
meilleur Car il faict
plustost prise Il ne le
fault recuire sinon
quand tu vouldras
mouler Et pour le
recuire mects le en
pouldre subtile
tout cru dans un
chauderon sur cendre flamme claire & ne la donne pas trop a coup ne trop vehemente
remue tousjours Avecq un long baston pour eviter la vapeur le tournant aultour du chaulderon
& au milieu en forme de 8 Au commancement tu le trouveras pesant difficile a remuer a cause que
cest plein dhumidite Comme il seschaufera il commancera a jecter comme quelques bouillons
au bord du chauldron Et en fin viendra comme liquide & comme farinee & brenee & bouillante
au milieu Continue tousjours de remuer jusques a ce que tu cognoisses quil reviene pesant Figure
Lalum de plume est celuy qui donne bonne liaison au sable
Le crocum ferri est propre pour lor C’est celuy qui estant
mesle parmy le sable le recoit & le contient en sa chaleur
at left top margin
at left top margin
Plastre
Quant tu las en
pierre choisis les
plus durs morceaulx
et qui ne sesmient
point aisement avecq
longle et nettoye le
bien de pouldre &
ordure plustost que
le piler
at left middle margin
Le plastre
seul ne soubstient
pas le foeu ains
se rompt en
lopins
at left middle margin
Le plastre recuit
se ga comme dit est icy
se garde bien un
@moys ou deulx
bien serre en lieu
sec Si ce nest en
temps de pluye
Mays estant frais
il est plus excellent
pour ouvrage
exquis
at left middle margin
Il fault quil
soubstienne le foeu
& se rougisse
comme un charbon
allume
[continued]