106r - - - - - Pour gect
L’aspalte est qui se trouve en Allemaigne est le plus excellent
sable pour mouler en chassis qui se puisse trouver, car il est
propre pour l’argent & pour l’or & tant plus il sert et est vieulx,
il est meilleur. On y moule fort tanvre & subtil.
Faire courre l’or pour gect
Pource que l’or se froidist bien tost, il luy fault donner une
mixtion quant il est fondu q bien fondu qui l’entretiene en chaleur.
Le sublimé l’adoulcist bien. Mays, pource qu’il s’en va en fumée, il ne
luy continue pas son secours. Meslés y doncq ceste composition quand
vous le vouldrés gecter: du sel armoniac, du meilleur verdet que vous
pourrés trouver, un peu de borras & de salpestre qui li. Et cela l’entretenant
en chaleur, il viendra net. Le salpestre l’esclarcist & p l’eschaufe. Mays la
principalle chose de ceste mixtion est le verdet, qui doibt estre du bon. Ceste
mixtion adoulcist tellement l’or qui qu’il vient traictable comme plomb, mesmement l’or fin.
Pour sable à mouler fleurs & feuilles & choses delicates,
mesle plastre cru broyé, brique & alum de plume.
Pour moiller les sables, l’eau de vye est excellente, car elle subtilie le
sable & s’en va en exalation que quand on recuist les chassis.
L’eau de sel armoniac est tres bonne, est excellente pour humecter les
sables, mays en beaucoup d’eau il ne fault qu’un peu de sel armoniac.
La loppe de fer, en default de crocum ferri, est exce bonne pour l’or.
Les serpens ou lesards que tu veulx mouler ne doibvent pas
estre long temps gardés, car s’ils sont vifs ilz se maigrisent,
et s’ils sont secs il morts ilz se flestrissent.
Le plastre de Paris est ferme comme une pierre & fort bon.
Quand tu le vouldras choisir pour ton sable, prens le cru, le plus dur
qu’il te sera possible & qui ne face point de pouldre. Le transparent
et celuy qui faict ainsy pouldre se retire, Ce ce qui n’est pas bon pour
cet oeuvre. Un signe de celuy qui aproche de la perfection est qu’il soict
dur & faict à grains luisants aprochant de la forme du sucre. Enfin,
pour en mesler parmy le sable pour gecter l’or, il fault qu’il endure le foeu
deulx fois & deulx foix soict recuit.
at left middle margin
+
Quand l’or
est fort fin,
il est si sec
qu’à peine
peult il
endurer le
marteau,
mays ceste
mixtion
l’adoulcist
comme
plomb.