105v - - - - - [continued]
Aprés, quand il sera bien b pris, coupe le dessus de l’abre
qui excede ton abre, Ne trois ou 4 doigts au dessus de
l’escusson pour la premiere foys et apr puys au plus pres,
affin qu’il se ferme. Mais advise bien que, quand tu feras
ton escusson, qu’il n’y demeure point un petit trou par derriere
le germe, car cela te signifieroit que sa racine seroit rompue,
& jamays ton hante ne prendroit; ains fais que le revers
soict comble. Ceste sorte d’hanter se practique despuys la
my may, que les arbres ont desja bouté & faict nouvelle
mise, jusques au commancement d’aougst, et que les abres sont
en sabe. Les amendiers, qui de leur naturel sont plus
secs, perdent plustost leur sabe, partant qui y veult hanter
mericotons, abricots & hantes de noyau, qui y sont les
meilleurs, qu’ils se hastent au moys de janvier. Communement
les abres de noyau, comme perces mericotons, se hantent en
fente. On dict que les abres de hantés en piolet ou
escusson sont plus tardifs à porter fruict qu’en fente.
Jardinier
Il ne doibt pas estre fort curieulx de cultiver en son
jardin des armols pource que, quand le potaige & bouillon s’en
garde quelque peu froit, il s’y engendre des vers.
Fontanier
Le plastre recuit, comme tu verras cy aprés au discours
du mouleur, destrempé promptement en eau & mis aulx joinctures
des conduicts des fontaines, s resiste aultant que stuc qui
soit.
Prendre rossignols Voy le 15 foeillet
cy aprés
Pour les attraper il fault observer leur naturel, la viande
qu’ilz aiment le plus & le temps de leur volupté. Le rossignol,
aultant qu’il chante, mainctient un quartier pour luy tout seul.
Aproche doncq faisant semblant de chercher en terre quelque
chose. Et ayant des vers qui viennent dans les vielles farines,
ou dessoubs les mects à pestrir ou aulx moulins, d’où il est fort
friand, mects en sur ton chapeau quelqu’un attaché avecq un espingle
ou aultrement, affin qu’il se remue. Et à cinq ou six pas de la haye
où il chante, fais un trou en terre & y mects des vers et ton engin
de petits bastons en croix. Il luy tardera que tu ne sois hors de là
pour aller voir ce que tu auras faict, et voyant des vers il entrera.
at left bottom margin
Aulcuns les
vendent sur
l’abre.
at left bottom margin
Le soir et le
matin à la fraischeur,
vers les fontaines
& lieulx ombrageulx,
est plus propre
pour les prendre.
Rossignol
Il fault que le fil
de fer de sa cage
soict du plus gros,
affin que pensant sortir
il ne se blesse. Couvre
au comancement qu’il est
pris sa cage de toile.
Il le fault paistre le premier jour par contraincte, luye donnant prenant hors de la cage dans la
main, & luy ouvrir le bec & avecq une petite poincte de bois luy mectre dans la gorge & luy faire
avaller. Et continuer ainsy jusques à ce
qu’il ne soit plus opiniastre. Cela se faict
pour l’entre
tenir,
car
s’il
s’amai
grissoit
il mourroit.
Rossignol
Il luy fault une cage
faicte en grange,
comme celle des calandres,
doublé de drap vert,
pource qu’il craint le froid. Et pour l’acoustumer
à manger au commancement qu’il est prins en cage, il luy fault donner des fourmis
avecq de la terre
au fonds de sa
cage pour l’acoustumer
de picoter, puys luy
et luy donner d’un
cœur de mouton haché,
& tantost des oeufs,
& des vers de farine.