105r - - - - - Tortues
Les masles ont la coquille renversée au bout vers la queue,
et ont la coquille de dessoubs le ventre encochée tout du long,
depuys la queue jusques à la que teste. Et les femelles non,
ne la coquille revirée vers la queue, ne les cocheures.
Seicher couleurs
Le noir à noircir & aultres ne secheroient pas à huile
si on n’y mectoit du verdegris.
Painctre
Les couleurs deulx foys posées sont d’elles mesmes plus
grossieres si elles ne sont conduictes. Aultrement, on paint
sur le bois, aultrement sur la toile, autrement sur la muraille.
Jardinier
Pour hanter en escusson, il fault prendre de la nouvelle mise
que l’abre que tu veulx hanter a faict de l’année mesme, & en couper une branche,
dans laquelle tu voys qu’auprés de la raci naissance des foeilles,
il y aye des petits boutons qu’on appelle oeillets, qui sont commancement
de germes. Il fault dextrement, avecq un trancheplume bien tranchant,
couper en forme d’escusson une petite portion de peau avec qui contient
un oeillet ou germe avecq la foeille, ainsy marqué B. Mays
plusto Puys fais diligement dans le bois tendre, s et qui est en
sabe, sur lequel tu veulx hanter, deulx traits ainsy de coupés
, puys fais au milieu une fente ainsy
Figure
. Separe aprés
avecq la poincte du trencheplume l’escorce, & l’ouvre par la fente
du milieu, et y ayant proprement logé ton escuson de sorte qu’il n’en
sorte rien dehors que le germe, lie le bien & l’envelope tout avecq du
brin de lin ou filasse bien doulce, en façon qu’il n’y aye rien
descouvert que la foeille, qui dans trois ou 4 jours te donnera
indice si l’escusson doibt prendre, selon qu’elle sera verte. Laisse
ton hante sept ou huict jours ainsy, puys le deslie & joincts bien
l’escorce, mesmement à droict le germe, & puys le relie tout doulcement
mays non pas si fort qu’auparavant; & s’il y a quelque mise ou
croissance, laisse luy lieu pour sortir; & fais ainsy trois ou 4 fois.
Figure at left bottom margin
[continued]