105r - - - - - Tortues
Les masles ont la coquille renversee au Bout vers la queue
et ont la coquille de dessoubs le ventre encochee tout du long
depuys la queue jusques a la que teste Et les femelles non
ne la coquille reviree vers la queue ne les cocheure
Seicher couleurs
Le noir a noircir & aultres ne secheroient pas a huile
si on ny mectoit du verdegris
Painctre
Les couleurs deulx foys posees sont delles mesmes plus
grossieres si elles ne sont conduictes Aultrement on paint
sur le bois Aultrement sur la toile Autrement sur la muraille
Jardinier
Pour hanter en escusson, il fault prendre de la nouvelle mise
que labre que tu veulx hanter a faict de lannee mesme & en couper une branche
dans laquelle tu voys quaupres de la raci naissance des foeilles
il y aye des petits boutons quon appelle oeillets qui sont commancement
de germes Il fault dextrement avecq un trancheplume bien tranchant
couper en forme descusson une petite portion de peau avec qui contient
un oeillet ou germe avecq la foeille ainsy marque B Mays
plusto Puys fais diligement dans le bois tendre s et qui est en
sabe sur lequel tu veulx hanter deulx traits ainsy de coupes
@puys fais au milieu une fente ainsy
Figure
Separe apres
avecq la poincte du trancheplume lescorce & louvre par la fente
du milieu et y ayant proprement loge ton escuson de sorte quil nen
sorte rien dehors que le germe lie le bien & lenvelope tout avecq du
brin de lin ou filasse bien doulce en facon quil ny aye rien
descouvert que la foeille qui dans trois ou 4 jours te donnera
indice si lescusson doibt prendre selon quelle sera verte Laisse
ton hante sept ou huict jours ainsy Puys le deslie & joincts bien
lescorce mesmement a droict le germe & puys le relie tout doulcement
mays non pas si fort quauparavant & sil y a quelque mise ou
croissance laisse luy lieu pour sortir & fais ainsy trois ou 4 fois.
Figure at left bottom margin
[continued]