104v - - - - - Contre la galle des chiens
Une demy ℥ de staphisagrie pour les chiens
communs & une ℥ pour les grands, en pouldre subtile,
battu avec deux blanc d’oeufs & un quarteron
d’huile. Leur faire boire à jeun, les ayant tenus
la nuit enfermés sans manger. Aprouvé
Pour gect
Si tu as quelque piece qui ne soict point de despouille &
grande, moule la avec de la cire, soict cave ou relief, pource que
elle preste estant molle & obeist, et ainsy se separe de la piece
sans y rien laisser. Mays advise que la cire fondue ne soict
ne trop chaulde ne trop froide. Aulcuns moulent avec de la
cire eschaufee dans de l’eau chaulde, mays en pressant le
moule se gaulchist & se faict faulx. Quand tu as le cave de
cire, tu y peulx gecter de l’ardille fort doulce & fort destrempee
& claire, & laisse secher à l’aise. Puys tu feras un cave
là dessus ave de plomb ou estaim, dans tu lequel ce que tu
formeras sera de bonne despouille.
Orfevre
Sçaiches que c’est que travailler le pailleterie, c’est
des escailles d’argent pur & d’argent doré, de quoy on faict
les hoquetons des archiers.
Espinette jouant toute seule
Figure at left bottom margin
Fais un axe tout entourné de roues percees tout aultour
en l’espesseur et attaches des plumes comme pour cistre ou
espinette, & les dispose selon la chançon que tu vouldras
faire dire, y laissant distance convenable. Et tournant
l’axe, ou par toy mesme ou par ressort d’horloge, ton invention
s’effectuera.